‘Musikazaleak’ ekimeneko kideek ikasturtea amaituko dute kontzertu inklusibo, integratzaile eta hunkigarriekin

Adimen-desgaitasuna, garuneko paralisia eta autismoaren espektroko nahasmenduak dituzten helduak izan dira gaur eguerdian Miramongo Euskadiko Orkestraren egoitzan egin den kontzertuaren protagonistak. Hilero musika-tailerretan ikastaro oso bat egin ondoren, egindako lana erakutsi diete gaur lankideei eta familiei.

Bihar Bilboko ‘Musikazaleak’ ekimeneko kideen txanda izango da, Juan Crisostomo de Arriaga Kontserbatorioan, eta ostegunean talde arabarrak ere kontzertu propioa eskainiko du Gasteizko Federico Garcia Lorca Antzokian.

Schuberten ‘Amuarraina’ kinteto ezagunarekin amaituko da larunbat honetan Miramongo Matinéeen 25/26 Denboraldia

Miramon Ensemblek Euskadiko Orkestraren ganbera-musika zikloa itxiko du errepertorioko obra entzutetsuenetako batekin larunbat honetan, ekainak 6, 11:00etan, Miramonen. Sarrerak salgai daude 11 eurotan.

Boris Giltburg pianojole saritua izango da protagonista Euskadiko Orkestraren Denboraldiko azken programa sinfonikoan

Moskutarrak Prokofieven ‘Pianorako 3. Kontzertua’-ri egingo dio aurre Michal Nesterowiczek zuzenduko dituen eta Txaikovskiren ‘Bosgarren’ ezin ezagunagoarekin itxiko diren hitzorduetan.

Kontzertuak ekainaren 5etik 9ra izango dira Iruña, Bilbo eta Donostian. Sarrerak salgai daude 10 eurotik aurrera.

Miramongo Matinéeek Argentinara bidaiatuko dute larunbat honetan Piazzollaren tangoaren erritmora

Tango Berria boskoteak Astor Piazzollaren hamar obra barne hartuko dituen kontzertu monografikoa eskainiko du larunbat honetan, maiatzak 23, 11:00etan, Miramonen. Sarrerak bukatu egin dira.

Euskadiko Orkestrak Elena Sancho Pereg, Marife Nogales eta Vocalia Taldea izango ditu ondoan hurrengo programa sinfonikoan

François Lopez-Ferrerrek zuzenduko du fantasia eta maitasuna jorratzen dituen Mendelssohnen ‘Uda-gau bateko ametsa’ obra entzutetsua.

Bernaola eta Saint-Saënsen obrek osatuko dute programa Donostian, Gasteizen, Iruñean eta Bilbon maiatzaren 22tik 28ra izango diren kontzertuetan. Sarrerak salgai daude 10 eurotik aurrera.

Soka Bones izango da larunbat honetako Miramongo Matinéearen protagonista

Zortzi interpretez osatutako taldeak Schumann, Piazzolla, Colombier, Weber, Satie, Crespo eta Brahmsen obrak joko ditu larunbat honetan, maiatzak 9, 11:00etan, Miramonen izango den kontzertuan. Sarrerak salgai daude 11 eurotan.