Prokofieven ‘Alexander Nevski’-k Donostiako Orfeoia igoko du eszenatokira Euskadiko Orkestraren hurrengo kontzertuetan
Saskia Venegas musikagile euskal-belgikarrak ‘At the Aegean Shores’ lanarekin emango dio hasiera programari. Mediterraneoko itsasertzetako draman du jatorria obrak.
Pablo Gonzalezek zuzenduko duen kontzertu-programa berria martxoaren 20 eta 22 bitartean egingo da Donostia eta Iruñean, eta sarrerak salgai daude.
Euskadiko Orkestrak ekainaren 18ra atzeratu du bihar Iruñeko Baluarten eman behar zuen kontzertua
Bihar, asteartea, martxoak 12, greba deialdia egin da euskal sektore publikoan. Jarraipen zabala aurreikusten denez eta, ondorioz, kontzertu hau egitea ezinezkoa izango denez, orkestrak ekainaren 18ra atzeratzea erabaki du.
Emilia Hirukotea izango da larunbat honetako Miramongo Matinéearen protagonista
Emakumearen Nazioarteko Egunaren ospakizunarekin bat eginez, Euskadiko Orkestrak programatu duen hurrengo Matinéea hiru emakumezko interpretek eskainiko dute, eta Mathilde Kralik eta Dora Pejacevic emakume musikagile Erromantikoen obrak joko dituzte bertan. Kontzertua larunbatean izango da, martxoak 9, 11:00etan, Miramonen, eta sarrerak salgai daude 11 eurotan.
Zapore italiarra izango du Euskadiko Orkestraren hurrengo kontzertu-programak
Italiako artisten tandem bikain batek, Federico Colli pianistak eta Riccardo Frizza zuzendariak osatuak, piano-errepertorioko obrarik ezagun eta zailenetako bati aurre egingo dio: Rakhmaninoven ‘Pianorako 2. Kontzertua’. Kontzertuen bigarren zatian, Alpeez bestaldeko herrialdeari eskainitako Richard Straussen ‘Aus Italien’ poema sinfonikoa joko du orkestrak.
Sarrerak salgai daude martxoaren 8tik 13ra izango diren kontzertuetarako, 10 eta 38 euro bitartean.
Belharra zortzikotea izango da larunbat honetako Miramongo Matinéearen protagonista
Euskadiko Orkestraren zortzi musikariz osatzen den taldeak Dvorak eta Françaixen obrak interpretatuko ditu larunbat honetan, otsailak 24, 11:00etan, Miramonen. Sarrerak salgai daude 11 eurotan.
Chillidari gorazarrea Euskadiko Orkestraren hurrengo kontzertu-programan
Joan den astean Austriako Linz eta Salzburgo hirietan egin zuen bira arrakastatsuaren ondoren, Euskadiko Orkestrak Kontzertu Denboraldiari ekingo dio berriro mugarri berri batekin, Antonio Lauzurikaren ‘Chillida-Elogios’ lanaren estreinaldia, Eduardo Chillidaren jaiotzaren mendeurrena omentzeko enkargatutakoa. Haydn eta Rakhmaninoven sinfonia banak osatuko du Robert Treviñok zuzendutako programa hau.
Sarrerak salgai daude otsailaren 15etik 21era ohiko lau hiriburuetan izango diren kontzertu guztietarako, 10 eta 38 euro bitartean.