Euskadiko Orkestrak Aita Donostiaren 'La vie profonde de Saint François d’Assise' berreskuratuko du Parisko estreinaldiaren mendeurrenean

Euskadiko Orkestrak 26/27 Denboraldiko bigarren programa sinfonikoa aurkezten du, Aita Donostiaren 'La vie profonde de Saint François d’Assise' obra protagonista duena. Tradizioa eta garaiko musika-abangoardiako hizkuntzak uztartzeko gai izan zen konpositorearen ikuspegi eszenikoa berraurkitzea ere ahalbidetuko du berreskuratze honek.

BBVA Fundazioaren babes esklusiboa duen musika-proiektu berri hau mugarri bat da euskal musika-ondarearen aintzatespenean, eta eragile ugari inplikatu ditu.

Kontzertuak azaroaren 6tik 11ra bitartean izango dira Donostia, Bilbo, Gasteiz eta Iruñean, eta sarrerak salgai daude 10 eurotik aurrera.

Ensemble Diatessaron izango da larunbat honetako Miramongo Matinéearen protagonista

Musika barroko eta errenazentistan espezializatutako taldeak musika eta Margarita Nafarroakoaren ‘Heptameron’ eta Rabelaisen ‘Gargantua’ liburuetako kapituluen irakurketa uztartuko ditu larunbatean, urriak 31, 11:00etan, Miramonen. Sarrerak salgai daude 11 eurotan.

H.E.C. laukotea izango da larunbat honetako Miramongo Matinéearen protagonista

Hari eta pianoz osatutako laukoteak Garcia Leoz eta Turinaren obrak interpretatuko ditu Denboraldiko bigarren kontzertuan, larunbatean, urriak 24, 11:00etan, Miramonen. Sarrerak salgai daude 11 eurotan.

Euskadiko Orkestraren 26/27 Musika Gelak kulturarako irisgarritasuna aldarrikatzen du

Euskadiko Orkestraren hezkuntza- eta gizarte-zikloak musika sinfonikoa haurrei, gazteei eta hainbat kolektibori ikuspegi sortzaile, inklusibo eta parte-hartzailetik hurbiltzearen garrantzia aldarrikatzen jarraitzen du.

Ziklo berriak bost ekoizpen propio ditu: aurreko denboraldietan aurkeztutakoak batzuk —’Arriaga bizi da’, ‘Logelan Logale’ eta ‘Mozart, Nannerl eta Lagunak’—, eta orain estreinatuko diren beste hainbat —‘Aniztasuna harmonian’ eta ‘Brassstorm’—.

Zikloak 70 jarduera baino gehiago ditu guztira, eta horien artean daude ‘Musikazaleak’ tailerren hirugarren edizioa, FEVAS-Plena Inclusion Euskadirekin lankidetzan, eta kolektibo eta ikastetxeei zuzendutako Entsegu Irekiak.

Salgai sarrerak ‘Arriaga bizi da’-rako, Euskadiko Orkestraren Denboraldiko lehen Musika Familian kontzertua

Gaurtik aurrera salgai daude ‘Arriaga bizi da’-rako sarrerak; zuzeneko musika eta Adimen Artifiziala uztartuta, Euskadiko Orkestrak ekoizpen honetan musikagile bilbotarra berpiztuko du, haren heriotzaren 200. urteurrenean.

Urriaren 17an Miramonen (12:00) eskainiko den kontzertu hau Musika Gela zikloaren 26/27 Denboraldiko familiei zuzendutako lehena izango da, eta ‘saio lasai’ formatuan eskainiko da.

Zeruko Laukoteak larunbat honetan inauguratuko du Miramongo Matinéeen ziklo berria

Hari eta pianoz osatutako laukoteak Brahms eta Rablen obrak interpretatuko ditu Denboraldiko lehen kontzertu honetan, larunbatean, urriak 3, 11:00etan, Miramonen. Sarrerak salgai daude 11 eurotan.