Zeruko Laukoteak larunbat honetan inauguratuko du Miramongo Matinéeen ziklo berria

Hari eta pianoz osatutako laukoteak Brahms eta Rablen obrak interpretatuko ditu Denboraldiko lehen kontzertu honetan, larunbatean, urriak 3, 11:00etan, Miramonen. Sarrerak salgai daude 11 eurotan.

Euskadiko Orkestrak Denboraldi berria hasiko du Mahlerren ‘2. Sinfonia’ ikaragarriarekin

Zinemaldian, Musika Hamabostaldian eta Jose Maria Sanmartin gasteiztarraren obren disko bat grabatzeko estudioan aritu ostean, Euskadiko Orkestra Denboraldi Sinfonikoaren hasieran zentratuko da orain, Gustav Mahlerren ‘Bigarren Sinfonia’ ikaragarriaren interpretazioan.

Donostiako Orfeoia, Jone Martinez eta Nadezhda Karyazinaren ahotsek bat egingo dute Lucas Maciasek zuzendutako soinu-bidaia honekin.

Sarrerak salgai daude Donostia, Bilbo eta Iruñeko kontzertuetarako, 10 eta 41 euro bitartean.

Salgai daude Miramongo Matinéeen sarrerak eta azken abonamenduak

Euskadiko Orkestraren ganbera-musikako zikloa urriaren 3an hasiko da, 16 musika-hitzordu berrirekin. Tcha Limberger, Steven Lin eta Kea Ahots Taldea bezalako gonbidatu bereziak izango dira protagonista denboraldiko programazioan, gainerakoan Euskadiko Orkestrako kidez osatutako talde ugari izango dituena.

Donostia Zinemaldia, Euskadiko Orkestra eta SGAE Fundazioa zinema eta musikarekin itzuliko dira Belodromora, larunbata 19 arratsaldean

Euskadiko Orkestrak, Donostiako Orfeoiak, Andoni Martinez Barañanok eta Juan Jose Oconek parte hartuko dute aurtengo edizioko kontzertuan, irailaren 19an, larunbata, 18:00etan. Belodromoak 3.000 laguni irekiko dizkie ateak, filmetako eszenen eta soinu-banden festara joateko. Ordu eta laurdeneko gozamena izango da eta sarrera doakoa.

Donostia Zinemaldiak, Euskadiko Orkestrak eta SGAE Fundazioak duela urte batzuetatik Zinemaldiaren lehen larunbatean arrakasta handiz aurkezten duten kontzertu honetarako hautatu diren obrak dira, besteak beste, Carmelo Bernaolaren ‘Verano Azul’ edo ‘La clave’; ‘El cantor de México’ eta ‘El amor es como un ramo de violetas’ (Luis Mariano irundarraren ahotsa Andoni Martinez Barañano tenorrak jarriko du); ‘Winnipeg’ eta ‘Sacamantecas’.

Euskadiko Orkestrak Jose Maria Sanmartin konpositore gasteiztarra berreskuratuko du

Aste honetan, Miramon grabazio-estudio bihurtu da berriro, Jose Maria Sanmartinen lehen erregistro sinfonikoari ekiteko, haren jaiotzaren mendeurrenean eta haren heriotzaren berrogeita hamargarren urteurrenean. Pablo Urbina gasteiztarra ari da orkestra zuzentzen.

Gaur jarri dira salgai 26/27 Denboraldiko kontzertuetarako sarrerak

Dagoeneko eros daitezke ohiko salguneetan Euskadiko Orkestraren 26/27 Denboraldi Sinfonikoko hitzorduetarako sarrerak.