Sofia Esparza sopranoa Euskadiko Orkestraren Denboraldian estreinatuko da hurrengo kontzertu-programan

Nafarroako interpreteak Sorozabalen ‘7 Lieder’-ei ahotsa jarriko die, Antonio Mendezek zuzendutako programa batean. Ravelen ‘Alborada del gracioso’ lanarekin hasiko dira kontzertuak, eta Mahlerren ‘Bosgarrena’ izango da plater nagusia.

Azaroaren 24an eta 25ean Gasteizen eta Iruñean programa hau eskaini ondoren, Euskadiko Orkestrak Bartzelonako L’Auditorira eramango du hilaren 28, 29 eta 30ean, Orquestra Simfònica de Barcelona i Nacional de Catalunyarekin egindako elkartruke baten baitan.

Euskadiko Orkestrak eta OBCk elkarrizketa sinfonikoa izango dute Pirinioen bi aldeetan

Euskal Herriko eta Kataluniako orkestrak elkarren artean trukatuko dira datorren astean.

Euskadiko Orkestrak ‘Sorozabal / Mahler’ kontzertu-programa eskainiko du azaroaren 24 eta 25ean Gasteizen eta Iruñean, eta ondoren Bartzelonako L’Auditorira eramango du azaroaren 28, 29 eta 30ean.

Kataluniar egileez gain Debussy eta Ravelen klasikoak barne hartuko dituen programa batekin, Orquestra Simfònica de Barcelona i Nacional de Catalunyak (OBC) Bilbo bisitatuko du azaroaren 26an eta Donostia azaroaren 27 eta 28an. Azken egun horretan, bi orkestrak gurutzatu egingo dira eta aldi berean eskainiko dute kontzertu bana.

BOS eta Euskadiko Orkestraren perkusiojoleek elkarrekin eskainiko dute larunbat honetako Miramongo Matinéea

Bi orkestretako tinbal eta perkusio sailetako zortzi musikarik osatutako taldeak programa heterogeneoa eskainiko du larunbat honetan, azaroak 15, 11:00etan, Miramonen izango den kontzertuan. Sarrerak bukatu egin dira.

132 ahots behar dira ‘Abestu Euskadiko Orkestrarekin’ ekimenaren bigarren ediziorako

Lehen edizio arrakastatsu baten ondoren, abeslari ez-profesionalek Euskadiko Orkestrarekin abesteko aukera ematen duen proiektu parte-hartzailea bueltan dator. Hiru eszenatoki handitan abestuko du herritarren abesbatzak: Euskalduna, Kursaal eta, nobedade gisa, Baluarte.

Izen-ematea zabalik dago azaroaren 10etik abenduaren 4ra eta aukeratutako ahotsak abenduaren 15ean iragarriko dira. Kontzertuak martxoan izango dira eta aurreko bi hilabeteetan 10 entsegu kolektibo egingo dira.

Camille Thomas biolontxeloaren izarrak Fazil Sayren obra antibeliko bat interpretatuko du Euskadiko Orkestraren hurrengo kontzertuetan

Interprete franko-belgikarrak ‘Never Give Up’ biolontxelorako kontzertua eskainiko du, Fazil Say konpositore turkiarrak espresuki berarentzat idatzia. Thomas oso ezaguna da pandemian Parisko teilatuetan biolontxeloa jotzen egin zituen bideoak biralak egin zirelako.

Haydn eta Schmidten bi sinfonia erabat ezberdinek osatuko dute Katharina Müllner austriarrak zuzendutako kontzertu-programa, eta Donostia, Bilbo eta Iruñeko kontzertuetarako sarrerak salgai daude, 10 eta 40 euro bitartean.

ETB2 berriz hasiko da Euskadiko Orkestraren kontzertuak ematen larunbat goizetan

Datozen hilabeteetan etenik gabe izango den emisio-bloke berri hau larunbat honetan hasiko ‘Aldave / Mahler’ kontzertu-programarekin.