ETB2 berriz hasiko da Euskadiko Orkestraren kontzertuak ematen larunbat goiz guztietan

Datozen hilabeteetan etenik gabe izango den emisio-bloke berri hau larunbat honetan hasiko da azaro hasieran Roberto Foresen zuzendaritzapean emandako ‘Mamuak’ kontzertu-programarekin. Bertan nabarmentzekoak dira Gary Carpenterren ‘Mamu kantak’ obraren estreinaldia Easo Gazte eta Easo Eskolaniarekin batera eta Txaikovskiren ‘Laugarrena’.

Telebistako emisio berriak egin ahala, Euskadiko Orkestrak kontzertuetan interpretatutako obrak bere YouTubeko kanalean publikoaren eskura jartzen jarraituko du.

Beti erakargarria den ‘Carmina Burana’ obra izango da Euskadiko Orkestraren programa berriaren protagonista

125 urte bete berri dituen Donostiako Orfeoiak, Carlos Mena gasteiztarrak, Jone Martinez bizkaitarrak eta Javier Gallego galiziarrak osatzen dute abeslari-zerrenda, Pablo Gonzalezen zuzendaritzapean.

Euskadiko Orkestrak bere auditoriumak beteta ikusiko ditu berriro; Gasteizen, Iruñean eta Donostian dagoeneko bukatu dira sarrerak; Bilborako sarrerak baino ez dira geratzen.

Euskadiko Orkestrak eta Robert Treviñok ‘Ravel 2’ disko berria argitaratu dute nazioartean

Ondine diskoetxepean argitaratu berri den grabazio honek Pierre Boulezen orkestraziodun ‘Frontispice’ obraren munduko lehen erregistroa barne hartzen du, baita ‘Ma mère l’Oye’ ballet partituraren grabazio osoa ere. 

Gramophone aldizkari prestigiodunak "disko bikain" gisa izendatu du dagoeneko argitaratu duen kritikan. Diskoa plataforma digital nagusi guztietan dago eskuragarri. 

Sexteto Apasionadok eskainiko du larunbat honetako Miramongo Matinéea

Euskadiko Orkestrako interpreteez osatutako seikoteak Johannes Brahmsen ganberako lehen maisulanetako bat joko du, ‘1. Hari-sestetoa’, larunbat honetan, azaroak 5, 11:00etan, Miramonen egingo den kontzertuan.

Naturaz gaindiko gaiak dituzten Musorgski eta Dvoraken obrak eta Txaikovskiren ‘Laugarren’ handia Euskadiko Orkestraren biharko Gasteizko kontzertuan

‘Mamuak’ izenburupean, Euskadiko Orkestraren Denboraldiko Gasteizko bigarren kontzertuak barne-gatazkei, beldurrei eta gainditzeari buruz hitz egingo dute Musorgskiren (‘Gaua mendi gorrian’), Dvoraken (‘Eguerdiko sorgina’) eta Txaikovskiren (‘4. Sinfonia’) musikaren bidez, Roberto Foresen zuzendaritzapean.

Azaroaren 3an 19:30ean Gasteizko Principal Antzokian izango den kontzertu honetarako sarrerak salgai daude 10 eurotik aurrera.

Txaikovskiren ‘Laugarren’ ikusgarria eta Easo Abesbatzaren 60 gazte izango dira Euskadiko Orkestraren kontzertu-programa berriaren protagonistak

‘Mamuak’ izenburupean, datozen kontzertuek barne-gatazkei, beldurrei eta gainditzeari buruz hitz egingo dute Musorgskiren (‘Gaua mendi gorrian’), Txaikovskiren (‘4. Sinfonia’) eta Gary Carpenterren musikaren bidez. Azken honen ‘Mamu kantak / Ghost Songs’ obraren estreinaldiak eramango ditu Easo Gazte eta Easo Eskolania eszenatoki gainera.

Roberto Foresek zuzenduko dituen kontzertu hauetarako guztietarako sarrerak salgai daude 10 eurotik aurrera.