4. Matinéea: Tantris Ensemble
W. A. Mozart
Divertimento, K. 138
A. Schnittke
Moz-Art à la Haydn
D. Shostakovich-R. Barshai
Sinfonía de cámara, Op. 110a
Carlos Ocaña
Zuzendaria
Data eta Lekua
-(e)tik gora
7 €Informazioa
Ironiaren eta sarkasmoaren arteko ezberdintasuna erabiltzen dituenaren intentzioan datza. Ironiaren bidez esan nahi denaren kontrakoa igortzen da; sarkasmoaren bidez, ordea, isekaren objektuari min egin nahi zaio.
Alfred Schnittkek W. A. Mozarten amaitu gabeko Pantomima musikala K. 466 obraren zatiak erabiltzen ditu Moz-art à la Haydn konposatzeko, bi biolinentzako eta harizko ensemble txiki batentzako. Obraren hasieran, interpreteak Mozarten pantomima iluntasun osoan inprobisatzen dute. Une horretatik aurrera, eszenatokia txotxongilo-antzerki batean bihurtzen da, harik eta Joseph Haydnen 45. Sinfoniaren, “agurren” sinfoniaren, tankera berean amaitzen den arte. Hau da, musikariak banan-banan ateratzen hasten dira eszenatokitik, musika-diskurtsoa disolbatzen den aldi berean. David Fanning musikologoak zera iradoki zuen: “Kanpoko espazioko bisitari batek hildako zibilizazio baten artefaktu baten aurrean erakutsiko lukeen harridurarekin tratatzen du Schnittkek Mozart”.
Bestalde, Dmitri Xostakovitxek, bere Ganbera-sinfonia do minorrean “faxismoaren eta gerraren biktimei” eskaini zien, eta bere burua horien artean kokatzen zuen. Sekula inork obrarik dedikatuko ez ziolakoan, bere izen propioa erabili zuen laukotearen motibo musikal nagusi gisa: DSCH musika-notazio alemaniarrean edo, bestela esanda, re, mi bemol, do, si. Bost mugimenduak modu minorrean daude eta izaera oso iluna dute gehienbat, une horretan egilea bizitzen ari zen zailtasunen isla. Bere konfiantzazko lagun Lev Lebedinskyk esan zuen: “Bere bizitzaren agurra zen […] Egun batean, laukotea pianoan jo zidan eta esan zidan, negar batean, bere azken obra izango zela”. Lan honek gizateriaren alderdi ilunenen estetika konplexua arakatzen du: tristezia, izua, indarkeria, heriotza, hunkipena, mina eta umore sardonikoa.
Artistak
Carlos Ocaña
Zuzendaria
Irene Echeveste
Biolina
Larraitz Oiartzabal
Biolina
Raquel Cortinas
Biolina
Antoni Kosc
Biolina
Amaia Asurmendi
Biolina
Nathalie Dabadie
Biolina
Biolina
Ricardo Ruiz
Biolina
Pawel Krymer
Biola
Natacha Dupuy-Scordamaglia
Biola
Justyna Janiak-Krymer
Biola
Gabriel Mesado
Biolontxeloa
Beatriz Linares
Biolontxeloa
Paloma Torrado
Kontrabaxua
Zure interesekoa izan daitekeelakoan...
Mozart, Schnittke eta Xostakovitx larunbat honetako Miramongo Matinéean
Larunbat honetan, azaroak 10, 11:00etan, Miramongo Matinéeen zikloak egutegiko laugarren hitzorduarekin jarraituko du: Tantris Ensemblek eskainiko duen ‘Moz-art’ kontzertua. Ganbera-talde hau Euskadiko Orkestra Sinfonikoaren hari-sekzioko hamalau musikarik osatuko dute, eta Carlos Ocañaren zuzendaritzapean joko dute errepertorioa.
Matinéea bi zatitan banatuko da: horietako lehena Mozarten Divertimentoarekin hasiko da eta Alfred Schnittkeren Moz-art à la Haydnekin amaituko. Schnittkek Mozarten amaitu gabeko Pantomima musikala obraren zatiak erabiltzen ditu Moz-art à la Haydn konposatzeko, bi biolinentzako eta harizko ensemble txiki batentzako. Obraren hasieran, interpreteak Mozarten pantomima iluntasun osoan inprobisatzen dute. Une horretatik aurrera, eszenatokia txotxongilo-antzerki batean bihurtzen da, harik eta Joseph Haydnen 45. Sinfoniaren, “agurren” sinfoniaren, tankera berean amaitzen den arte. Hau da, musikariak banan-banan ateratzen hasten dira eszenatokitik, musika-diskurtsoa disolbatzen den aldi berean.
Bestalde, Xostakovitxek bere Ganbera-sinfonia “faxismoaren eta gerraren biktimei” eskaini zien, eta bere burua horien artean kokatzen zuen. Obraren bost mugimenduak Xostakovitx une horretan bizitzen ari zen zailtasunen isla dira. Bere konfiantzazko lagun Lev Lebedinskyk esan zuen: “Bere bizitzaren agurra zen […] Egun batean, laukotea pianoan jo zidan eta esan zidan, negar batean, bere azken obra izango zela”. Lan honek gizateriaren alderdi ilunenen estetika konplexua arakatzen
Sarrera solteak (7€) salgai daude euskadikoorkestra.eus webgunean eta Kursaal Auditoriumeko leihatilan. Gainera, leku librerik geratuko balitz, Orkestraren egoitzako leihatilan bertan eros ahal izango lirateke kontzertuaren egunean.
Miramongo Matinéetara eroso joateko, Euskadiko Orkestrak doako autobus-zerbitzua eskainiko dio bertaratu nahi duen orori. 10:25ean abiatzen da autobusa Gipuzkoa Plaza 4tik eta geldialdiak egiten ditu Antso Jakituna 18an eta Madril Hiribidea 34an.
Miramongo Matinéeek Kutxa Fundazioaren babesa dute sortu zirenetik.
KONTZERTUAREN FITXA
TANTRIS ENSEMBLE
Moz-art
I
W. A. Mozart
Divertimentoa fa maiorrean, K.138 [11’]
A. Schnittke
Moz-art à la Haydn [13’]
II
D. Xostakovitx (R. Barshaien moldaketa)
Ganbera-sinfonia do minorrean, 110a [25’]
Orkestraren jarduerari buruzko informazioa jaso nahi duzu?
Aukeratu buletina eta eman izena.
Suscribe to our NewsletterEz eskerrik asko, jarraitu erosketak egiten
Kontzertuak eta Sarrerak Maiatza
