ETB2 berriz hasiko da Euskadiko Orkestraren kontzertuak ematen larunbat goiz guztietan
Datozen hilabeteetan etenik gabe izango den emisio-bloke berri hau larunbat honetan hasiko da irail amaieran Robert Treviñoren zuzendaritzapean emandako ‘Mahler 3’ kontzertu-programarekin; bertan parte hartu zuten ahotsen atalean Bilboko Koral Elkarteak eta Justina Gringyte mezzosopranoak.
Buys Ensemble izango da larunbat honetako Miramongo Matinéearen protagonista
Euskadiko Orkestraren musikariz osatzen den boskoteak Beethoven, Mozart eta Buysen obrak interpretatuko ditu larunbat honetan, urriak 28, 11:00etan, Miramonen. Sarrerak salgai daude 11 eurotan.
50 jarduera baino gehiago Musika Gela zikloaren 23-24 Denboraldian
Euskadiko Orkestrak lau ekoizpen propio aurkeztu eta estreinatuko ditu hezkuntza-zikloaren Denboraldi berriaren baitan: ‘Pantomima’, ‘Polikinela’, ‘Misterioa’ eta ‘Elkarrekin sortu’, publikoak eta musikariek elkarlanean sortutako ikuskizun teknologiko-musikala, aste honetan 3.500 ikaslerekin hasiko dena. Lehen ekoizpen honek Musika Familian kontzertua ere izango du, larunbat honetan, urriak 21, 12:00etan, Miramonen, eta dagoeneko salgai daude sarrerak.
Zikloaren ardatz nagusi diren Eskola Kontzertu eta Musika Familian kontzertuen eskaintza zabala hiru Entsegu Irekirekin osatuko da eta baita FEVAS-Plena Inclusionekin tailer berriekin ere, desgaitasuna duten pertsonen kolektiboari musika hurbiltzeko.
Beethovenen eta Vaughan Williamsen kintetoak izango dira larunbat honetako Miramongo Matinéearen protagonistak
Euskadiko Orkestraren musikariz osatzen den Bikoitz boskotea Miramongo eszenatokira igoko da larunbat honetan, urriak 14, 11:00etan, 23/24 Denboraldiko bigarren Miramongo Matinéea eskaintzeko. Sarrerak salgai 11 eurotan.
Salgai sarrerak ‘Elkarrekin sortu’-rako, Euskadiko Orkestraren Denboraldiko lehen Musika Familian kontzertua
Gaurtik aurrera salgai daude ‘Elkarrekin sortu’-rako sarrerak; ikuskizun horretan publikoak eta musikariek elkarrekin musika-konposizioaren sekretuak ezagutuko dituzte. Urriaren 21ean Miramonen (12:00) eskainiko den kontzertu hau Musika Gela zikloaren 23/24 Denboraldiko familiei zuzendutako lehena izango da.
Miramongo Matinéeak larunbat honetan itzuliko dira, urriak 7
Landarbaso Abesbatza eta Euskal Herriko Gazte Abesbatzak, Alfonso Gomez pianojole gasteiztar handiak eskainiko duen errezitaldi batek eta Euskadiko Orkestrako hainbat ganbera-taldek osatzen dute Miramongo Matinéeen ziklo berriko 16 musika hitzorduen sorta.
Hamabost musikariz osatzen den Cadenza Taldeak emango dio hasiera zikloari larunbat honetan, urriak 7, 11:00etan, Rorem eta Naulaisen obra banarekin. Sarrerak 11 eurotan daude salgai hitzordu honetarako eta Denboraldiko beste guztietarako.