2021, uzta diskografiko bikaineko urtea Euskadiko Orkestrarentzat
Euskadiko Orkestrak lau titulu berriren ekarpena egin du aurten bere bilduma diskografiko zabalera: Maurice Ravelen orkestra-obren album bat; oso ezagunak ez baina garrantzizkoak diren estatubatuar egileen obren hautaketa bat ‘Americascapes’ izenburupean; Kalakan hirukotearekin batera grabatutako euskal tradizioko obren disko bat; eta ‘Gutizia’, protagonismoa txistuari ematen dion diskoa, Garikoitz Mendizabalen eskutik.
Disko hauek guztiak salgai daude establezimendu komertzial eta plataforma digital ohikoetan.
Sarrerak salgai Donostiako urtarrileko Musika Familian kontzertuetarako
Dagoeneko eskuratu daitezke sarrerak ‘Living Room Music’-erako, urtarrilaren 22an Miramonen izango dena saio bikoitzean (11:00 / 12:30), eta ‘Euskadiko Orkestra Cirkus’-erako, urtarrilaren 29an Kursaaleko ganbera-aretoan (18:00).
Eskola Kontzertu gisa eman ostean, Euskadiko Orkestraren ekoizpen propio hauek orain familiei zabalduko zaizkie.
Orkestra osoak eskainiko du larunbat honetako Miramongo Matinéea
Larunbat honetan, abenduak 11, 11:00etan, Miramongo Matinéeak hitzordu ezberdin batekin datoz: Euskadiko Orkestrak primizian interpretatuko ditu Ravelen obrak, orkestrak Ondine diskoetxearekin Ziburuko musikagileari eskainiko dion bigarren grabazio monografikoa osatuko duten obrak. Hurrengo astean grabatuko eta 2022an zehar argitaratuko da diskoa.
ETB2k Euskadiko Orkestraren 21-22 Denboraldiko kontzertuak emango ditu bihartik aurrera
20/21 Denboraldiko hainbat kontzertu berriz eskaini ostean, bihartik aurrera, abenduak 4, 11:00etan, ETB2k Euskadiko Orkestraren 21/22 Denboraldikoen kontzertu berrienak emango ditu.
Telebistako emisio berriak egin ahala, Euskadiko Orkestrak kontzertuetan interpretatutako obrak bere YouTubeko kanalean publikoaren eskura jartzen jarraituko du.
Xavier de Maistre harpajolea Euskadiko Orkestraren kontzertu-programa berri batera itzuliko da
Alberto Ginasteraren ‘Harparako kontzertua’-rekin, orkestrak instrumentu honetan jarriko du fokua, XIX. mendetik orkestraren egituran ezinbestekotzat jotzen dena baina solista gisa hain ezaguna ez dena.
Robert Treviñok zuzendutako kontzertu hauek Dmitri Xostakovitxen ’10. Sinfonia’-rekin biribilduko dira, Herbert von Karajanek errusiarraren ziklo sinfonikoko hamabost sinfonietatik perfektuentzat jotzen zuena.
Kontzertuak abenduaren 3 eta 10 bitartean izango izango dira ohiko lau hiriburuetan, eta sarrerak salgai daude saio guztietarako 10 eurotik 35 eurora.
Euskadiko Orkestrak bertan behera utzi du Salzburgorako bidaia
Abenduaren 15, 16 eta 17an Salzburgoko Grosses Festspielhaus prestigiodunera gonbidatua izan ostean, Euskadiko Orkestrak bidaia bertan behera uztea erabaki du Covidaren ondoriozko egungo egoeragatik, eta Austrian indarrean dauden murrizketak luzatu daitezkeelako. Une honetan biztanleria osoa itxialdian dago, hasiera batean, abenduaren 13ra arte.