Ongintzazko kontzertua Durangon

Euskadiko Orkestra Sinfonikoak garatzen duen jarduera-sorta zabalaren baitan euskal geografiako txoko guztietara bere musika eramateko interés berezia nabarmentzekoa da. Datorren apirilaren 7an Durangon izango da, bere historian bederatzigarrenez, oso programa berezia aurkezteko. Kasu honetan, Euskadiko Musikari Gazteen Lehiaketaren azken edizioan garaile izan diren bi musikari gazte eramango ditu eszenatokira: Mireia Coma eta Ekhi Martinez biolinistak, 16 eta 15 urtekoak, hurrenez hurren.

Euskadiko Orkestra Sinfonikoak, gure lurraldearen kulturaren eta formakuntzaren bultzatzaile gisa, proiektu honetan aukera bikain hau eskaini nahi die gazte hauei, euren ibilbidean motibazio-jauzi izan dadin. Zalantzarik gabe, euren kalitate eta interpretatzeko talentua aski arrazoi dira Euskadiko Orkestra Sinfonikoarekin eszenatokia partekatzeko.

Euskadiko Orkestra Sinfonikoa oraingoan Pedro Halffterrek zuzenduko du. Gaur egun Sevillako Maestranza Antzokian zuzendari artistikoa da Halffter, eta mundo osoko eszenatokietan aritu da zuzendari-lanetan: Viena, Tokio, Berlin, Londres, Paris, Madril eta Mosku, besteak beste.

Antolatzaile Durangoko Udalak ongintzazko kontzertu gisa planteatu nahi izan du. Sarreren bidez eskuratutako dirua oso-osorik emango zaio dohaintzan Desgaitasunaren Nazioarteko Egunaren antolakuntzari.

Sarrerak dagoeneko salgai daude 3 euroko prezioan eta herriko Arte eta Historia Museoan eros ahal izango dira, baita egunean bertan antzokiaren atean ere.