‘Logelan logale’, bigarren edizioan hazi, zabaldu eta bizitzak aldatzen dituen haur kantata

Duela urtebete estreinaldi arrakastatsua izan ondoren, Euskadiko Orkestrak ‘Logelan logale’ ekoizpen propioa eskainiko du berriro, Leire Bilbaoren libretoarekin eta Jagoba Astiazaranen jatorrizko musikarekin, apirilaren 21ean eta 22an Donostiako Kursaal Auditoriumean, Kursaal Eszenarekin elkarlanean, eta apirilaren 23an Gasteizko Jesus Guridi Kontserbatorioan.

Gainera, lehen aldiz, Bilbao Orkestra Sinfonikoak haur kantataren lekukoa hartuko du eta beste bi hitzordu eskainiko ditu Bilbon, apirilaren 28an eta 29an. Horri esker, kantatak saio gehiago izango ditu, hiru euskal hiriburutara hedatuko da eta aktiboki parte hartzen duten 3.000 ikasletik gorako kopurura iritsiko da.

Euskadiko Orkestrak ikastetxe parte-hartzaileetako irakasle eta ikasleen testigantzak jaso ditu, eta horiek argi uzten dute ekimen honen eragin positiboa, parte hartzen dutenen bizitzak eta dinamikak aldatzeraino.

Ensemble Phantasy izango da larunbat honetako Miramongo Matinéearen protagonista

Euskadiko Orkestrako bederatzi interpretez osatutako taldeak Haba, Klein eta Martinuren obrak joko ditu larunbat honetan, apirilak 11, 11:00etan, Miramonen izango den kontzertuan. Sarrerak salgai daude 11 eurotan. 

Nikolai Luganskyk Rakhmaninoven ‘Pianorako 3. Kontzertu’ ezin zailagoa joko du Euskadiko Orkestraren Denboraldi Sinfonikora egingo duen itzuleran

Errusiarrak pianoaren historiako kontzerturik zail eta birtuosoenari aurre egin beharko dio Euskadiko Orkestraren kontzertu-programa berri batean, beste musikari handi batek zuzenduta, Juraj Valcuha eslovakiarrak, hona egingo duen hirugarren bisitan.

Kontzertuak Donostian, Gasteizen, Iruñean eta Bilbon izango dira apirilaren 9tik 15era, eta sarrerak salgai daude 10 eurotik aurrera.

Ensemble Clasico izango da larunbat honetako Miramongo Matinéearen protagonista

Euskadiko Orkestrako zazpi interpretez osatutako zazpikoteak Haydn, Reicha eta Mozarten obrak joko ditu larunbat honetan, martxoak 21, 11:00etan, Miramonen izango den kontzertuan. Sarrerak salgai daude 11 eurotan. 

Johannes Moser txelojole entzutetsua izango da Euskadiko Orkestraren Gasteizko hurrengo kontzertuaren protagonista

Alemaniar-kanadiarrak Schumannen ‘Biolontxelorako kontzertua’-ri egingo dio aurre Riccardo Frizzaren batutapean. Programaren bigarren zatian Ottorino Respighik Italiako hiriburuari eskainitako bi poema sinfoniko eskainiko ditu orkestrak: ‘Fontane di Roma’ eta ‘Pini di Roma’.

Kontzertua asteartean izango da, martxoak 17, Jesus Guridi Kontserbatorioan.

Herritarren abesbatza prest dago Baluarten, Euskaldunan eta Kursaalen ‘Abestu Euskadiko Orkestrarekin’ ekimena estreinatzeko

Vivaldiren ‘Gloria’, Sorozabalen ‘Euskalerria’ eta Bizeten ‘Carmen’ obrek irekiko dituzte Euskadiko Orkestraren hurrengo kontzertuak 132 herritarren ahotsekin.

Bi hilabetez buru-belarri prestatu ondoren, aste honetan herritarrak Easo Abesbatzarekin eta Euskadiko Orkestrarekin batera aritu dira entseatzen, eta iritsi da garaia Riccardo Frizza maisu italiarrak batuta altxatzeko eta musika herritarrengana hurbildu nahi duen ekimen honen emaitzak entzuteko eta ikusteko.

Kontzertuak martxoaren 13an Iruñean, martxoaren 14an Bilbon eta martxoaren 16 eta 18an Donostian izango dira. Sarrerak salgai daude 10 eta 40 euro bitartean.