Euskadiko Orkestrak Elena Sancho Pereg, Marife Nogales eta Vocalia Taldea izango ditu ondoan hurrengo programa sinfonikoan

François Lopez-Ferrerrek zuzenduko du fantasia eta maitasuna jorratzen dituen Mendelssohnen ‘Uda-gau bateko ametsa’ obra entzutetsua.

Bernaola eta Saint-Saënsen obrek osatuko dute programa Donostian, Gasteizen, Iruñean eta Bilbon maiatzaren 22tik 28ra izango diren kontzertuetan. Sarrerak salgai daude 10 eurotik aurrera.

Soka Bones izango da larunbat honetako Miramongo Matinéearen protagonista

Zortzi interpretez osatutako taldeak Schumann, Piazzolla, Colombier, Weber, Satie, Crespo eta Brahmsen obrak joko ditu larunbat honetan, maiatzak 9, 11:00etan, Miramonen izango den kontzertuan. Sarrerak salgai daude 11 eurotan. 

Euskadiko Orkestrak gogora ekarriko du Carlos Garaikoetxea gaur Iruñeko Baluarten eskainiko duen kontzertuan

Minutu bateko isilunea egingo da Carlos Garaikoetxea lehendakaria zendu berri dela eta. 1982an Euskadiko Orkestraren eraketan parte hartu zuen, EITB, Osakidetza eta Ertzaintza bezalako euskal erakundeak sortu zituzten une berean.

Donostiako Orfeoia eta nazioarteko abeslari multzo nabarmen bat izango dira Euskadiko Orkestraren programa sinfoniko berriaren protagonistak

Donostiako Orfeoia, Sophie Harmsen, Werner Güra, Florian Boesch eta Markus Volpert-ek bat egingo dute Euskadiko Orkestrarekin heriotzaren fenomenoa ikuspuntu ezberdinetatik aztertuko duen programa bati aurre egiteko. Alexander Liebreich alemaniarra izango da orkestra zuzentzearen arduraduna Bach, Strauss eta Mendelssohnen obren interpretazioan.

Kontzertuak Gasteizen, Iruñean, Bilbon eta Donostian izango dira maiatzaren 4tik 8ra, eta sarrerak salgai daude 10 eurotik aurrera.

Euskadiko Orkestrak Juan Crisostomo de Arriaga berpiztuko du

Zuzeneko musika eta Adimen Artifiziala uztartuta, Euskadiko Orkestrak ‘Arriaga bizi da’ ekoizpen berria estreinatuko du, musikagile bilbotarraren heriotzaren 200. urteurrenean.

Musika Familian kontzertuak maiatzaren 9an Kursaaleko Ganbera Aretoan eta maiatzaren 10ean Gasteizko Felix Petite Antzokian izango dira, biak 18:00etan. Sarrerak salgai daude.

Delicia Ensemble izango da larunbat honetako Miramongo Matinéearen protagonista

Euskadiko Orkestrako hamar interpretez osatutako taldeak Cimarosa, Albinoni, Mozart eta Vivaldiren obrak joko ditu larunbat honetan, apirilak 25, 11:00etan, Miramonen izango den kontzertuan. Sarrerak bukatuta.