Zukerman, Forsyth eta Sietzen nazioarteko izarrak izango dira Miramongo Matinéeen ziklo berriaren protagonistak
Urriaren 5etik aurrera 16 hitzordu berri ekarriko ditu Euskadiko Orkestraren ganbera-musika ziklo berriak, eta sarrerak eta abonamenduak dagoeneko salgai daude.
Pinchas Zukerman biolinjoleak, Amanda Forsyth biolontxelojoleak eta Christoph Sietzen perkusiojoleak ganbera-kontzertuak eskainiko dituzte orkestraren Denboraldi Sinfonikotik igaro ondoren, eta Euskadiko Orkestrako hainbat kidek hartuko dute gainerako programazioa.
Irailaren 1ean jarriko dira salgai 24/25 Denboraldiko kontzertuetarako sarrerak
Igandetik aurrera eros ahal izango dira ohiko salguneetan Euskadiko Orkestraren 24/25 Kontzertu Denboraldiko hitzorduetarako sarrerak.
Euskadiko Orkestrak 'Carmen' operan parte hartuko du Musika Hamabostaldian 24/25 Denboraldia hasteko
Azken egunotan, orkestra Georges Bizeten lan famatuaren entseguetan dabil, eta emanaldia Kursaalen izango da, abuztuaren 8an eta 10ean. Halaber, Euskadiko Orkestrak beste kontzertu bat emango du abuztuaren 14an, Senperen, Musika Aitzaki zikloaren barruan. Eta kontzertu sinfoniko-koral bat Donostiako Orfeoiarekin, abuztuaren 23an, Kursaalen.
Donostiako jaialdian izango duen partaidetza oparoaz gain, Euskadiko Orkestrak kontzertuak eskainiko ditu hurrengo hilean Lekeition eta Bergaran, eta Richard Straussen lanak grabatuko ditu Miramonen, Ondine zigiluarekin kaleratuko den disko berrirako.
Gaurtik aurrera salgai daude Euskadiko Orkestraren 24/25 Kontzertu Denboraldiko abonamenduak
Abonamenduek 10 kontzertu hartzen dituzte barne eta Bilbon, Iruñean eta Donostian jarri dira salgai 80 eurotik aurrera.
Euskadiko Orkestrak Rakhmaninoven ‘Pianorako 2. Kontzertua’ berreskuratuko du Kontzertu Denboraldiari amaiera emateko Iruñean
Federico Colli pianojoleak piano-errepertorioko obrarik ezagun eta zailenetakotzat jotzen denari egingo dio aurre. Giancarlo Guerreroren gidaritzapean, kontzertuak Richard Straussen bi obra izango ditu bigarren zatian.
Ekainaren 18an izango da Baluarte Auditoriumean martxoan atzeratu behar izan zen kontzertu hau, eta sarrerak salgai daude, 10 eta 38 euro bitartean.
Euskadiko Orkestra euskal artista handiz inguratu da Gabriel Erkorekaren album berrian
Juanjo Mena, Asier Polo, Alfonso Gomez eta Carlos Mena artistak Euskadiko Orkestrarekin aritu dira Gabriel Erkoreka Bilboko konpositorearen hiru lan grabatzeko.
Ondine finlandiar zigilu entzutetsua arduratu da berriz ere albuma mundu osoan sustatzeaz. CD formatuan eta plataforma digital ugaritan eskuragarri dago jada.