Astelehena 17 Martxoa, 2025

Euskadiko Orkestrak Glanerten ‘Perkusiorako Kontzertua’ estreinatuko du Christoph Sietzen bakarlariarekin hurrengo kontzertu-programan

Euskadiko Orkestrak Glanerten ‘Perkusiorako Kontzertua’ estreinatuko du Christoph Sietzen bakarlariarekin hurrengo kontzertu-programan

Euskadiko Orkestrak, Stuttgarteko Irratiko Orkestra Sinfonikoak eta Artikoko Orkestra Filarmonikoak enkargatutako obra honen Estatuko estreinaldia izango da. Christoph-Mathias Mueller alemaniarraren gidaritzapean, Euskadiko Orkestrak Brahmsen ‘2. Sinfonia’ interpretatuko du programaren bigarren zatian.

Gasteiz eta Iruñeko kontzertuak Carl Maria von Weberrek konposatu eta Gustav Mahlerrek osatu zuen ‘Die drei Pintos’ opera komikoarekin hasiko dira.

Euskadiko Orkestra pasa den ostegunetik 24/25 Kontzertu Denboraldiko zortzigarren programari aurre egiten ari zaio, ‘Glanert / Brahms’ izenekoa. Donostian eta Bilbon kontzertuak eskaini ostean, azkenak aste honetan izango dira: asteartean, martxoak 18, Gasteizko Jesus Guridi Kontserbatorioan; eta asteazkenean, martxoak 19, Iruñeko Baluarte Auditoriumean. Kontzertu guztiak 19:30ean izango dira.

Azken kontzertu hauek Carl Maria von Weberrek konposatu eta Gustav Mahlerrek osatu zuen Die drei Pintos opera komikoarekin hasiko dira.

Ondoren etorriko da kontzertuen plater nagusia: Detlev Glanerten Perkusiorako Kontzertua. Euskadiko Orkestrak, Stuttgarteko Irratiko Orkestra Sinfonikoak eta Artikoko Orkestra Filarmonikoak elkarrekin egindako enkarguaren ondorioz sortu zuen Glanertek. Hain zuzen ere, Norvegiako orkestra horrek egin zuen obraren erabateko estreinaldia 2024ko maiatzaren 24an, eta orain interpretatuko duen bakarlariarekin, Christoph Sietzenekin, batera. Sietzen Salzburgoko Jaialdian 12 urterekin debuta egin zuenetik sariak etengabe jaso dituen perkusioko gazte prodijioa da.

Detlev Glanertek Mahler eta Ravel aipatzen ditu eragin nagusi gisa bere konpositore formazioan. Mahlerrek musikaren zentzu sinple eta dramatikoagatik eragin zion, eta Ravelek, berriz, soinuen maskarada artifizialagatik. Hans Werner Henze figura garrantzitsua izan zen Glanertentzat, eta formatu handiko bere lehen opera idazten lagundu zion, bere ibilbidean zehar arrakasta gehien ekarri dion generora bideratuz. Opera konpositore handia den aldetik, Glanertek inoiz azaldu du bere konposizioak irudimenezko antzerki-eszena gisa ulertzen dituela, heroi eta bilauekin, elkarrizketekin, krisiekin eta gatazkekin. Eta Perkusiorako Kontzertuak badu zerbait horretatik, elkarrekin konektatutako hiru mugimenduek ‘pertsonaia’ bera erretratatzen baitute bertsio desberdinetan. Lehen mugimenduak, adibidez, asko erabiltzen ditu xafla-instrumentuak, hala nola bibrafonoa, eta Big Banden musikaren eragina du. Bigarren mugimendua, tentsioa murrizteko, ereserki baten antzeko estiloan mugitzen da. Eta hirugarrena, azkenik, tempo azkarreko lasterketa da, bakarlariari bere birtuosismo guztia erakusteko aukera ematen diona.

Bigarren zatian, orkestra Johannes Brahmsen 2. Sinfoniako harmonia erromantikoetan murgilduko da.

Euskadiko Orkestrarekin 2023an debuta egin ondoren, programa honetan itzuliko da bere Denboraldira egungo zuzendari suitzar entzutetsuenetako bat: Christoph-Mathias Mueller. Suitzan eta Estatu Batuetan ikasi zuen arren, Muellerrek nazioarteko ibilbide arrakastatsua egin du, batez ere Alemaniako bizitza musikalari eta oso ezagunak ez diren musikagileen defentsari lotuta. Euskadira egindako aurreko bisitan, Alexander Veprik aurkeztu zigun eta, oraingoan, Detlev Glanerten musikaren txanda izango da, Alemaniako gaur egungo konpositore garrantzitsuenetako bat.

 

 

Sarrerak salgai Iruñeko kontzerturako

 

Iruñeko kontzerturako sarrerak salgai daude (Gasteizkorako ordea, ez), euskadikoorkestra.eus webgunean eta auditoriumeko leihatila eta webgunean, 10 eurotik aurrera.

Hurrengo ekitaldiak

Kontzertuak eta Sarrerak Maiatza

1 Og
2 Or
3 Lr
4 Ig
5 Al
6 Ar
7 Az
8 Og
9 Or
10 Lr
11 Ig
12 Al
13 Ar
13 maiatza, 2025 Asteartea, 12:00 h.
Musika Gela Eskola Kontzertuak: Logelan Logale Juanjo Ocón Donostia / San Sebastián
Eskola Kontzertuak: Logelan Logale
14 Az
14 maiatza, 2025 Asteazkena, 12:00 h.
Musika Gela Eskola Kontzertuak: Logelan Logale Juanjo Ocón Donostia / San Sebastián
Eskola Kontzertuak: Logelan Logale
15 Og
15 maiatza, 2025 Osteguna, 12:00 h.
Musika Gela Eskola Kontzertuak: Logelan Logale Juanjo Ocón Vitoria/Gasteiz Sarrerak erosi
Eskola Kontzertuak: Logelan Logale
16 Or
17 Lr
17 maiatza, 2025 Larunbata, 11:00 h.
Miramongo Matinéeak 15. Matinéea: Belharra Donostia / San Sebastián Sarrerak erosi
15. Matinéea: Belharra
18 Ig
19 Al
20 Ar
21 Az
22 Og
23 Or
24 Lr
25 Ig
26 Al
27 Ar
28 Az
29 Og
30 Or
30 maiatza, 2025 Ostirala, 19:30 h.
Denboraldi Sinfonikoa Mahler Alexandre Bloch Donostia / San Sebastián Sarrerak erosi
Mahler
31 Lr
31 maiatza, 2025 Larunbata, 11:00 h.
Miramongo Matinéeak 16. Matinéea: Barrococo Donostia / San Sebastián Sarrerak erosi
16. Matinéea: Barrococo