50 jarduera baino gehiago Musika Gela zikloaren 23-24 Denboraldian

Euskadiko Orkestrak lau ekoizpen propio aurkeztu eta estreinatuko ditu hezkuntza-zikloaren Denboraldi berriaren baitan: ‘Pantomima’, ‘Polikinela’, ‘Misterioa’ eta ‘Elkarrekin sortu’, publikoak eta musikariek elkarlanean sortutako ikuskizun teknologiko-musikala, aste honetan 3.500 ikaslerekin hasiko dena. Lehen ekoizpen honek Musika Familian kontzertua ere izango du, larunbat honetan, urriak 21, 12:00etan, Miramonen, eta dagoeneko salgai daude sarrerak.

Zikloaren ardatz nagusi diren Eskola Kontzertu eta Musika Familian kontzertuen eskaintza zabala hiru Entsegu Irekirekin osatuko da eta baita FEVAS-Plena Inclusionekin tailer berriekin ere, desgaitasuna duten pertsonen kolektiboari musika hurbiltzeko.

Beethovenen eta Vaughan Williamsen kintetoak izango dira larunbat honetako Miramongo Matinéearen protagonistak

Euskadiko Orkestraren musikariz osatzen den Bikoitz boskotea Miramongo eszenatokira igoko da larunbat honetan, urriak 14, 11:00etan, 23/24 Denboraldiko bigarren Miramongo Matinéea eskaintzeko. Sarrerak salgai 11 eurotan.

Salgai sarrerak ‘Elkarrekin sortu’-rako, Euskadiko Orkestraren Denboraldiko lehen Musika Familian kontzertua

Gaurtik aurrera salgai daude ‘Elkarrekin sortu’-rako sarrerak; ikuskizun horretan publikoak eta musikariek elkarrekin musika-konposizioaren sekretuak ezagutuko dituzte. Urriaren 21ean Miramonen (12:00) eskainiko den kontzertu hau Musika Gela zikloaren 23/24 Denboraldiko familiei zuzendutako lehena izango da.

Miramongo Matinéeak larunbat honetan itzuliko dira, urriak 7

Landarbaso Abesbatza eta Euskal Herriko Gazte Abesbatzak, Alfonso Gomez pianojole gasteiztar handiak eskainiko duen errezitaldi batek eta  Euskadiko Orkestrako hainbat ganbera-taldek osatzen dute Miramongo Matinéeen ziklo berriko 16 musika hitzorduen sorta.

Hamabost musikariz osatzen den Cadenza Taldeak emango dio hasiera zikloari larunbat honetan, urriak 7, 11:00etan, Rorem eta Naulaisen obra banarekin. Sarrerak 11 eurotan daude salgai hitzordu honetarako eta Denboraldiko beste guztietarako.

Mahlerren ‘Hirugarren’ ikaragarriarekin ekingo dio Euskadiko Orkestrak Kontzertu Denboraldiari

Robert Treviñok zuzenduko du Mahlerren ‘3. Sinfonia’,  Euskadiko Orkestraren Denboraldi berria —bizi-esperientzien bidez mundua sortzen eta eraldatzen duen gizakia erdigunean jartzen duena— inauguratzeko lan ezin hobea. Bilboko Koral Elkarteko emakume- eta haur-abesbatzek eta Justina Gringyte mezzosopranoak jarriko diote ahotsa obra handi honi.

Sarrerak salgai daude irailaren 29tik urriaren 4ra ohiko lau hiriburuetan izango diren kontzertu guztietarako, 10 eta 38 euro bitartean.

Euskadiko Orkestrak argazki ofiziala berritu du

Argazki-saioa Alex Abrilek egin zuen abuztuan Azkoitiko Jorge Oteiza Pilotalekuetan.

Aurrerantzean orkestrako gizonezko musikariek eramango duten jantzi berriaren estreinaldia eta aurkezpena ere bada irudi berri hau. Amarenak arropa euskal etxeak egin du jantzien diseinu eta ekoizpena.