Euskadiko Orkestra Sinfonikoak erregistro diskografiko berri bat dauka: Angel Illarramendiren (Zarautz, 1958) 4. Sinfonia, “Lañoa”, eta 9. Sinfonia jasotzen dituen CD bat. Gure Orkestrak interpretatu ditu lanak, Jose Miguel Perez-Sierraren zuzendaritzapean, eta Sony Classical Españak argitaratu du nazioartean.

Proiektu hau 2015eko udaberrian sortu zen. “Lañoa" ezizeneko 4. Sinfonia, 1993n idatzia, martxoaren amaieran grabatu zen Euskadiko Orkestrak Miramonen duen egoitzan. Maite Arruabarrena mezzosopranoak lanaren hiru mugimenduekin batera doazen testuak (Juan Alberto Buenetxea idazlearenak eta Illarramendi berarenak) interpretatu ditu, euskaraz. 2012 eta 2014 bitartean idatziriko 9. Sinfoniaren grabazioa bere erabateko estreinaldiari dagokio. Aipatua apirilaren amaieran egin zen Euskadiko Orkestraren Abonu-denboraldiaren baitan. Zuzeneko grabazioa Donostiako Kursaal Auditoriumean egin zen. Diskoak Eusko Jaurlaritzaren eta SGAE Fundazioaren babesa izan du.

CDaren edukia:
Angel Illarramendi
Sinfonía No.4, "Ingenua"
I. Allegro - Moderato
II. Andante - Allegro - Moderato
III. Allegro
9. Sinfonia
Andante - Allegro - PrestoAdagio - Moderato

Jose Miguel Perez Sierra, zuzendaria
Maite Arruabarrena, mezzosoprano
Euskadiko Orkestra Sinfonikoa