Musika Gelaren 2012/2013 denboraldia aurkeztu berri
Iritsi da Euskadiko Orkestra Sinfonikoko Hezkuntza Departamentuak denboraldi honetan diseinatutako Musika Gelaren jarduera aurkezteko garaia. Musika Familian, dagoeneko finkatutako zikloa, Gasteizen eta Donostian denboraldi orotan kontzertuak eskaintzen dituenaren eskutik, aurten urarekin jolastuko dugu swing erritmora eta hegoaldeko haizearekin. Eskola-haurrentzako Jarduerak, hezkuntzaren arlora bideratutako ekimenak dira, horien artean aurten "Neguko Menu" goxoa ekarriko diguten Eskola Kontzertuak, Tailerrak, Entsegu Irekiak eta abar daude. Euskadiko Orkestra Sinfonikoarekin elkar hartuta izango diren musika-ekitaldiek 2011-2012 denboraldian gehieneko 5 puntutik, 4,5eko puntuazioa lortu zuten parte hartzaileen artean egindako balorazio inkestetan.
Ezin ahaztu Sinfokids II DVDaren aurkezpena, gure proposamenak, etxeko txikiei musikaren poesia hurbildu nahi die modu jolaskor, argi, bizi eta alaian.
Eskola Kontzertuak, Musika Gelaren denboraldiko lehenbiziko hitzordua. Abenduaren 11tik 14ra bitartean 26 ikastetxetako 1800 haur etorriko dira Euskadiko Orkestraren egoitzan izango diren kontzertu hauetara. Orkestrak Donostiako Udaleko Hezkuntza Atalarekin lankidetzan antolatutako IV. Eskola Kontzertuen lehenengo txandan, "Neguko Menua" izenburudun kontzertu sinfonikoa izango da. Lehen Hezkuntzako ikasleei zuzendutako kontzertu honek izaera ludikoa du eta musikaren eta gure ikaslegoari oso gertuko zaion beste arte baten, hau da, gastronomiaren ezaugarrien arteko kidetasun zein antzekotasunekin jolastuko du.
Kontzertuak eta Sarrerak Iraila
