Euskadiko Orkestrak 25/26 Denboraldiari hasiera emango dio Musika Hamabostaldian Guridiren ‘Amaya’-n parte hartuz

Euskarazko opera honen kontzertu-bertsioa abuztuaren 9an (larunbata) izango da, 20:00etan, Kursaalen. Euskadiko Orkestrak Bernsteinen ‘West Side Story’ obra interpretatuko du abuztuaren 20an, 20:00etan, Kursaalen, hau ere kontzertu-bertsioan.

Donostiako jaialdian birritan parte hartzeaz gain, Euskadiko Orkestrak hainbat grabazio egingo ditu abuztuan, eta horien artean nabarmentzekoa da Aldaveren 'Akelarre' obra gorenaren erregistroa.

Gaurtik aurrera salgai daude Euskadiko Orkestraren 25/26 Denboraldi Sinfonikoaren abonamenduak

Abonamenduek 10 kontzertu hartzen dituzte barne eta Bilbon, Iruñean eta Donostian jarri dira salgai 85 eurotik aurrera.

‘Talentu gaztea’: Musikeneko ikasleek zuzendutako Euskadiko Orkestraren kontzertua

Ekainaren 21ean, larunbata, 11:00etan, Miramongo egoitzan, Euskadiko Orkestrak kontzertu irekia eskainiko du, Sara Liton eta Pablo Moralesen zuzendaritzapean. Kontzertu honek Fundación Banco Sabadellen babesa du, talentu gaztea sustatzeko bere konpromisoaren baitan.

Euskadiko Orkestrak 25/26 Denboraldia aurkeztu du

Euskadiko Orkestrak aurkezten duen Denboraldia oso femeninoa da, oso korala, oso gaztea, ahaltsua eta sustraitze handiduna. 

Errepertorio sinfonikoko erreferentziazko obrak aurkeztuko ditu, baita gure ondarearen parte bilakatuko diren obra berriak ere, adibidez, Felix Ibarrondoren lan berrienaren estreinaldia, ‘Guernica’ izenekoa.

Programazio hau ahalbidetzeko orkestrak 28 artista, hiru abesbatza eta orkestra gonbidatu bat hartuko ditu.

Euskal ordezkaritza garrantzitsua izango da, bai konposizioaren alorrean (Ravel, Arriaga, Sorozabal, Bernaola, Ibarrondo) bai interpretazioaren eremuan (Miren Urbieta-Vega, Sofia Esparza, Marife Nogales, Elena Sancho Pereg, Marta Zabaleta, Landarbaso Abesbatza, Donostiako Orfeoia, Vocalia Taldea).

Orkestrak Pascual Aldave nafar musikagilearen ‘Akelarre’ obra katedralaren lehen grabazioa gauzatuko du, eta euskal musika katalogoan ondare garrantzitsua izango da.

Bartzelonako L’Auditorira itzuliko da hango orkestrarekin elkartrukea egiteko, eta baita Otoño Musical Soriano jaialdira ere.

Adimen-desgaitasuna duten 43 pertsonak Euskadiko Orkestra eta FEVASen ‘Musikazaleak’ proiektuan egindako lana erakutsiko dute

Zortzi hilabetez Bilbo, Donostia eta Gasteizen talde finkotan lan egin ostean, amaierara iritsiko da ‘Musikazaleak’ proiektuaren lehen edizioa. Euskadiko Orkestrak FEVAS Plena Inclusión Euskadirekin lankidetzan bultzatu duen eta adimen-desgaitasuna, garuneko paralisia eta autismoaren espektroko nahasmenduak dituzten helduei zuzenduta dagoen musika-tailerren proiektua da. 

‘Musikazaleak’ saioaren azken entzunaldiak izango dira ekainaren 5ean Bilboko Arriaga Kontserbatorioan, 11n Miramonen eta 13an Gasteizko Garcia Lorca Antzokian.

Barrococo taldea izango da Denboraldiko azken Miramongo Matinéearen protagonista

Gehienbat Euskadiko Orkestrako kideak diren bederatzi musikariz osatutako taldeak garai Erromantikoko Weberren eta Juonen obrak interpretatuko ditu larunbat honetan, maiatzak 31, 11:00etan, Miramonen egingo den kontzertuan. Sarrerak 11 eurotan daude salgai.