Euskadiko Orkestrak 25/26 Denboraldia aurkeztu du

Euskadiko Orkestrak aurkezten duen Denboraldia oso femeninoa da, oso korala, oso gaztea, ahaltsua eta sustraitze handiduna. 

Errepertorio sinfonikoko erreferentziazko obrak aurkeztuko ditu, baita gure ondarearen parte bilakatuko diren obra berriak ere, adibidez, Felix Ibarrondoren lan berrienaren estreinaldia, ‘Guernica’ izenekoa.

Programazio hau ahalbidetzeko orkestrak 28 artista, hiru abesbatza eta orkestra gonbidatu bat hartuko ditu.

Euskal ordezkaritza garrantzitsua izango da, bai konposizioaren alorrean (Ravel, Arriaga, Sorozabal, Bernaola, Ibarrondo) bai interpretazioaren eremuan (Miren Urbieta-Vega, Sofia Esparza, Marife Nogales, Elena Sancho Pereg, Marta Zabaleta, Landarbaso Abesbatza, Donostiako Orfeoia, Vocalia Taldea).

Orkestrak Pascual Aldave nafar musikagilearen ‘Akelarre’ obra katedralaren lehen grabazioa gauzatuko du, eta euskal musika katalogoan ondare garrantzitsua izango da.

Bartzelonako L’Auditorira itzuliko da hango orkestrarekin elkartrukea egiteko, eta baita Otoño Musical Soriano jaialdira ere.

Adimen-desgaitasuna duten 43 pertsonak Euskadiko Orkestra eta FEVASen ‘Musikazaleak’ proiektuan egindako lana erakutsiko dute

Zortzi hilabetez Bilbo, Donostia eta Gasteizen talde finkotan lan egin ostean, amaierara iritsiko da ‘Musikazaleak’ proiektuaren lehen edizioa. Euskadiko Orkestrak FEVAS Plena Inclusión Euskadirekin lankidetzan bultzatu duen eta adimen-desgaitasuna, garuneko paralisia eta autismoaren espektroko nahasmenduak dituzten helduei zuzenduta dagoen musika-tailerren proiektua da. 

‘Musikazaleak’ saioaren azken entzunaldiak izango dira ekainaren 5ean Bilboko Arriaga Kontserbatorioan, 11n Miramonen eta 13an Gasteizko Garcia Lorca Antzokian.

Barrococo taldea izango da Denboraldiko azken Miramongo Matinéearen protagonista

Gehienbat Euskadiko Orkestrako kideak diren bederatzi musikariz osatutako taldeak garai Erromantikoko Weberren eta Juonen obrak interpretatuko ditu larunbat honetan, maiatzak 31, 11:00etan, Miramonen egingo den kontzertuan. Sarrerak 11 eurotan daude salgai.

Euskadiko Orkestrak Kontzertu Denboraldia burutuko du Mahlerren ‘7. Sinfonia’ handiarekin

Alexandre Bloch zuzendari frantziarrak bigarrenez hartuko du batuta Denboraldi honetan, ehun musikari baino gehiago taula gainera eramango dituen mahleriar sinfonia erraldoi hau zuzentzeko.

Kontzertuak maiatzaren 30etik ekainaren 5era izango dira Donostia, Gasteiz, Iruña eta Bilbon. Sarrerak salgai daude 10 eta 40 euro bitartean.

Belharra taldeak musika eta dantzaren artean zubiak eraikiko ditu larunbat honetako Miramongo Matinéean

Euskadiko Orkestrako musikarien boskotearekin batera Cyril Griset eta Amandine Mano dantzariak izango dira eszenatoki gainean Glazunov eta Adamsen obrak elkarrekin interpretatzeko, larunbat honetan, maiatzaren 17an, 11:00etan, Miramonen egingo den kontzertuan. Sarrerak 11 eurotan daude salgai.

‘Logelan logale’, 1.000 haurrez osatutako abesbatza handi bat elkartu duen kantata

Urtebete baino gehiagoko lanaren ondoren, Euskadiko Orkestrak bere lehen haur kantata estreinatu du euskaraz, Musika Gela zikloko Eskola Kontzertuen baitan.

Leire Bilbaoren libretoarekin eta Jagoba Astiazaranen jatorrizko musikarekin, ‘Logelan logale’ maiatzaren 13an eta 14an estreinatuko da Kursaalen, Kursaal Eszenaren lankidetzarekin, eta maiatzaren 15ean Gasteizko Jesus Guridi Kontserbatorioan. Emanaldi guztiak 12:00etan dira, eskola-orduetan.