Harpen arteko norgehiagoka larunbat honetako Miramongo Matinéean
Ensemble Moderne Érard taldeak, Euskadiko Orkestrako zortzi musikarik osatutakoak, harpari protagonismoa emango dion kontzertua eskainiko du, Ropartz, Jongen, Debussy eta Ravelen obrekin. Matinéea larunbat honetan izango da, apirilak 2, 11:00etan, Miramongo Auditoriumean, eta sarrerak 10 eurotan daude salgai.
Euskadiko Orkestraren kontzertu-programa berria hasi da artisten zerrenda eguneratuta
Euskadiko Orkestrak Brahmsen ‘Requiem alemana’ interpretatzeko goi-mailako ahotsak gonbidatu ditu: Olga Pasichnyk soprano ukrainarra (orain gutxi bertan behera geratu den Ainhoa Arteta ordezkatuko duena); Johann Kristinsson baritono islandiarra (hasiera batean aurreikusitako Michael Nagy ordezkatzen duena); eta Iruñeko Orfeoia.
Georg Marken zuzendaritzapean, kontzertuak ohiko lau hiriburuetan izango dira martxoaren 23tik apirilaren 1era eta sarrerak salgai daude saio guztietarako.
Fernando Velazquezek ‘Viento’ disko berria aurkeztu du, Euskadiko Orkestrarekin grabatua
Sari ugari jaso dituen konpositore eta orkestra-zuzendari Fernando Velazquezek duela hilabete batzuk Euskadiko Orkestrarekin, Johannes Moser biolontxelojolearekin eta Kup Taldea abesbatzarekin grabatutako ‘Viento’ disko berria kaleratu du martxoaren 18an.
Albumak bere hiru lan biltzen ditu, ‘Biolontxelorako kontzertua’, ‘Cantata de estío’ eta ‘Viento del oeste’, eta oso disko berezia da Velazquezentzat, zinematografia- edo antzerki-proiektu bati ez dagokion bere lehen ekoizpen musikala delako.
ETB2k Euskadiko Orkestraren 21/22 Denboraldiko kontzertu berriak emango ditu larunbat honetatik aurrera
Emisio-bloke berri hau ‘Beethoven + Bartok / Mérah’ kontzertu-programarekin hasiko da. Otsail hasieran eskainitako programa hau Mei-Ann Chen taiwandar-estatubatuarraren debuta izan zen eta Joël Mérahk ‘Elkano: Mundubira musika bidelagun’ proiekturako idatzi zuen ‘Jakinduriaren usaina’ obraren estreinaldia ere bai.
Telebistako emisio berriak egin ahala, Euskadiko Orkestrak kontzertuetan interpretatutako obrak bere YouTubeko kanalean publikoaren eskura jartzen jarraituko du.
Ainhoa Artetak bertan behera utzi du bere parte-hartzea Brahmsen ‘Requiem aleman’-ean
Ainhoa Arteta: “Oso zaila egiten zait nire lurraldeko eszenatokietara itzultzeari uko egin behar izatea”. “Tristura handia sortzen dit une honetan zuekin egon ezin izateak, baina espero dut laster berriro Euskadiko Orkestrarekin egon ahal izatea”.
Eragozpen hori gorabehera, Euskadiko Orkestrak aurrera jarraituko du iragarritako kontzertu-programarekin, martxoaren 23an Bilbon, 25ean eta 28an Donostian, 29an Iruñean eta apirilaren 1ean Gasteizen egingo dena.
Ainhoa Arteta eta Iruñeko Orfeoia izango ditu protagonista Euskadiko Orkestraren kontzertu-programa berriak
Brahmsen 'Requiem alemana’-k, pandemia hasi zenetik lehen aldiz, dimentsio handiko programa sinfoniko-koral bati emango dio bide.
Georg Marken zuzendaritzapean, kontzertuak ohiko lau hiriburuetan izango dira martxoaren 23tik apirilaren 1era eta sarrerak salgai daude saio guztietarako.