Ostirala 20 Maiatza, 2022

Auskalo Quartet taldea izango da larunbat honetako Miramongo Matinéearen protagonista

Auskalo Quartet taldea izango da larunbat honetako Miramongo Matinéearen protagonista

Euskadiko Orkestrako musikariz osatutako laukoteak Haydn eta Schumannen obrak interpretatuko ditu larunbat honetan, maiatzak 21, 11:00etan, Miramongo Auditoriumean, eta sarrerak 10 eurotan daude salgai.

Miramongo Matinéeak 21/22 Denboraldiaren amaierara gerturatzen ari dira azken-aurreko hitzorduarekin, kasu honetan Auskalo Quartet taldeak eskainiko duena, ‘Schumann eta txoria’ izenburupean, larunbat honetan, maiatzak 21, 11:00etan, Euskadiko Orkestraren Miramongo egoitzan. Honako musikariek osatzen dute taldea: Larraitz Oiartzabal (biolina), Laura Balboa (biolina), Maite Abasolo (biola) eta Gabriel Mesado (biolontxeloa).

Joseph Haydnek opus 33 katalogaziopean 1781ean idatzi zituen harirako sei kuartetoetako batekin abiatuko du Miramongo Matinéea Auskalo Quartetek. Harirako 3. kuartetoaz dihardugu, ‘Txoria’ ezizenarekin ezagutzen dena, obrako zenbait doinuk hegaztien kantua gogorarazten dutelako. Lau mugimendu ditu, non Haydnek elementu kultuak eta herrikoiak, mugimendu azkarrak eta geldoak konbinatu zituen, umorea eta sorpresa praktikatuz eta entzuleari ‘keinu’ eginez. Obra honek oihartzun handia izan zuen garaiko konpositoreen artean opus bereko beste kuartetoekin batera. Izan ere, kuarteto multzoa nahiko imitatua izan zen bere originaltasunagatik eta genero bereko obren oinarriak ezarri zituen. Horren adibiderik argiena da argitaratu eta lau urtera, 1785ean, Mozartek sei Haydn kuartetoak konposatu zituela, lan horien aintzatespen gisara.

Robert Schumannek, bere aldetik, genero bakar bati bete-betean dedikatzeko ohitura zuen eta, 1842an, ganbera-musikari eskaini zion urtean, idatzi zuen Auskalo Quartetek Matinéean interpretatuko duen bigarren lana: Harirako 3. kuartetoa. Urte berekoak dira, baita ere, bere beste bi harirako kuarteto bakarrak, pianodun kinteto bat eta pianodun kuarteto bat. Haydn, Mozart eta Beethovenen lan homologoak ondo aztertu ondoren idatzi zituen Schumannek bere kuartetoak. Zehazki, hirugarren kuarteto hau bi astetan idatzi zuen, eta urte horretako irailaren 13an interpretatu zuten lehen aldiz Clara Schumann emaztearentzat urtebetetze-opari gisa. 1843an argitaratu zen eta Felix Mendelssohni eskaini zion. Egiturari dagokionez, lau mugimendu kontrastatzaile ditu eta eduki musikal oso aberatsa du. Nostalgiaz betea, logikagatik, ausardiagatik eta berritasunagatik nabarmentzen da kuartetoa.

Sarrera solteak (10€) salgai daude euskadikoorkestra.eus webgunean eta Kursaal Auditoriumeko leihatilan. Gainera, leku librerik geratuko balitz, orkestraren egoitzako leihatilan bertan eros ahal izango lirateke kontzertuaren egunean.

Miramongo Matinéetara eroso joateko, Euskadiko Orkestrak doako autobus-zerbitzua eskainiko dio kontzertua ikustera doazen abonatuei. 10:25ean abiatzen da autobusa Gipuzkoa Plaza 4tik eta geldialdiak egiten ditu Antso Jakituna 18an eta Madril Hiribidea 34an.

Miramongo Matinéeek Kutxa Fundazioaren babesa dute sortu zirenetik.

Hurrengo ekitaldiak

Kontzertuak eta Sarrerak Azaroa

1 Ar
2 Az
3 Og
4 Or
5 Lr
6 Ig
7 Al
8 Ar
9 Az
10 Og
11 Or
11 azaroa, 2022 Ostirala, 19:30 h.
Bestelako jarduerak EITB 40: Batzen Gaituen Musika Donostia / San Sebastián
EITB 40: Batzen Gaituen Musika
12 Lr
12 azaroa, 2022 Larunbata, 18:00 h.
Musika Gela Durango: Euskadiko Orkestra Cirkus Durango
Durango: Euskadiko Orkestra Cirkus
13 Ig
14 Al
15 Ar
16 Az
17 Og
18 Or
19 Lr
20 Ig
21 Al
21 azaroa, 2022 Astelehena, 19:30 h.
Abonu Denboraldia Carmina Burana Pablo González Vitoria/Gasteiz
Carmina Burana
22 Ar
22 azaroa, 2022 Asteartea, 19:30 h.
Abonu Denboraldia Carmina Burana Pablo González Pamplona/Iruña
Carmina Burana
23 Az
23 azaroa, 2022 Asteazkena, 19:30 h.
Abonu Denboraldia Carmina Burana Pablo González Bilbao/Bilbo
Carmina Burana
24 Og
24 azaroa, 2022 Osteguna, 19:30 h.
Abonu Denboraldia Carmina Burana Pablo González Donostia / San Sebastián
Carmina Burana
25 Or
25 azaroa, 2022 Ostirala, 19:30 h.
Abonu Denboraldia Carmina Burana Pablo González Donostia / San Sebastián
Carmina Burana
26 Lr
26 azaroa, 2022 Larunbata, 11:00 h.
Miramongo Matinéeak 4. Matinéea: Belharra Donostia / San Sebastián
4. Matinéea: Belharra
27 Ig
28 Al
29 Ar
30 Az