Bihar, maiatzak 20, jarriko dira salgai Orkestrak ekainaren 15ean Victoria Eugenia Antzokian eskainiko duen kontzertuaren sarrerak

Euskadiko Orkestrak Alemanian emango dio amaiera 2010/2011 denboraldiari, Düsseldorfer Symphoniker orkestrarekin izandako elkartrukearen ondorio den nazioarteko bira batean. Aurretik, ekainaren 15ean, bidai honen atariko gisa, EOSak kontzertu bat eskainiko du Donostiako Victoria Eugenia Antzokian.

Andrés Orozco-Estrada titularraren zuzendaritzapean eta bakarlari Gautier Capuçon biolontxelojolearekin, ondorengo egunetan Alemaniako jendaurrean aurkeztuko duen egitarau berbera interpretatuko du: Juan Crisóstomo de Arriagaren Esklabu Zoriontsuak, Shostakovichen Biolontxelo eta Orkestrarako Lehen Kontzertua eta la Tchaikowskyren 5. Sinfonia.

Kontzertu honetarako sarrerak bihar, maiatzak 20, jarriko dira salgai, 12,00 €ko prezio bakarrean. Servikutxa, Telekutxa (943.00.12.00), www.kutxa.net nahiz Victoria Eugenia Antzokiko leihatilan, 11'30 - 13'30 eta 17'00 - 20'00 ordutegian, erosi ahal izango dira.