Bikote bitxi bat, biolontxeloa eta kontrabaxua Mirmaongo Matinéetan

Larunbat honetan, martxoaren 26an, Miramongo Matinéeak zikloa partituratik eszenatokira oso gutxitan salto egiten duten musika horien bozgorailu bihurtzen da beste behin. Sarritan bere egileen lan ezagunenen itzalean gordetzen diren musikalak izan ohi dira. Oraingo honetan Gabriel Mesado biolontxelojolea eta Aleksander Mikolajczyk kontrabaxujotzaileak, Euskadiko Orkestrako bakarlariak biak, duo honetarako orijinalki idatzitako obrak interpretatuko dituzte, bitxia badirudi ere oso aberatsa baita duo honi eskainitako errepertorioa.

"Bi bat baino hobea izan ohi da, batez ere egoera grabea bada". Hauxe da, "Bassodoble" izenburu harturik, kontrabaxu batek eta biolontxelo batek osatutako talde ezohiko honen leloa. Bi instrumentu hauek elkarrekin eta inolako beste akonpainamendurik gabe entzuteko aukera bakanetako izango da larunbatean Orkestraren egoitzan izango den emanaldiak eskaintzen diguna. Literatura ugari dago duo honentzako idatzitako musika orijinalari dagokionez, bai garai klasikokoa eta baita garaikidea ere, horien artean G. Rossini, L. Boccherini, D. Dragonetti, eta baita musikagile moderno zein garaikideak, esaterako, A. Russel, H. Eder, M. Osokin edo M. Bookinik. Kontrabaxuaren soinu baxuak primeran egiten du bat biolontxeloaren soinu goxoarekin, soinuzko efektu atsegina sortuz. Horren erakusle, larunbatean Mozart, Rossini eta Barrière-ren lanak izango ditugu entzungai. Eta kontrapuntu gisa, Pablo Aslan-en tango garaikide bat.

Kontzertu honetarako sarrerak Servikutxa, Telekutxa (943 00 12 00), www.kutxa.net eta www.euskadikoorkestra.es bidez eta kontzertu-egunetan 10.30etatik aurrera Egoitzako leihatilan eros daitezke. Gainera, dorako autobus zerbitzua dago Matinéetara joateko, 10.25etan Gipuzkoa Plazako 4.zkitik atera eta Antso Jakitunaren Etorbidea, 18 eta Madrid Etorbidea, 34an geldialdiak egiten dituelarik.

Informazio gehiago