Euskadiko Orkestra Aita Menni

Euskadiko Orkestra Sinfonikoa Arrasateko Aita Menni Ospitalean ariko da bihar, osteguna, ekainaren 19an. Horrela, Lorenz Nasturica-Herschcowiciren zuzendaritzapean, Beethovenen Bosgarren Sinfonia joko du. Kontzertua 16:30etan hasiko da osasun-zentroko ekitaldi-aretoan, eta sarrera doan izango da.

Aita Menni Ospitaleak San Benito Menniren heriotzaren 100. urteurrena dela eta antolatutako jardueretako bat da. San Benito Menni San Joan Jainkoarenaren anaien Ordenaren berrezarlea eta Jesusen Bihotz Sakratuaren Ahizpa Ospitalarien Kongregazioaren sortzailea izan zen, eta euskal osasun-zentroa Kongregazio horretakoa da, hain zuzen. Arrasateko biztanleek eta zentroko paziente zein profesionalek taldearen emanaldiaz gozatzeko aukera berri bat izango dute. Aita Menni Ospitaleko Pastoraleko buru Egoitz Zabala izan da jarduera antolatu duena, eta eskerrak eman dizkio Euskadiko Orkestra Sinfonikoari Aita Menni Ospitalera berriro etortzeagatik, bere musikaz gozatu ahal izango baitute. 

Orkestra Herrietan ekimenari esker, bere inguruko lekuetara eramaten du bere musika Euskadiko Orkestra Sinfonikoak, kontzertuen ohiko zirkuitutik urrun.