EUSKADIKO ORKESTRAK ETA DONOSTIAKO ORFEOIAK 59.353,64 € BILDU DITUZTE HAITIRENTZAT
Euskadiko Orkestra Sinfonikoak eta Donostiako Orfeoiak 59.353,64 € bildu dituzte urtarrilaren 12an Haitin gertatutako lurrikararen ondorioz kalteturikoentzat. Kopuru hau, Kursaalean pasa den otsailaren 27an ospatutako kontzertu solidariorako sarreren salmentaren eta Kutxak kudeatutako 0 lerroari esker bildu da eta Gurutze Gorriari eman zaio Haitira helaraz dezan.
0 lerroa abian jartzeaz gain, Kutxak 5.000 eurotako ekarpena egin du eta kontu horretan sartu du halaber kobratutako komisioen kopurua.
Giuseppe Verdiren Messa da Requiem interpretatu zeneko Haitiren aldeko kontzertuan parte hartu zuten guztiak modu desinteresatuan aritu ziren. Bai Euskadiko Orkestra, Donostiako Orfeoia eta bakarlariak, Esther Lee sopranoa, Iris Vermillion mezzoa, Aquiles Machado tenorea, Ádán Horváth baxua, kontzertua zuzendu zuen Orkestrako Zuzendari Titularra, Andrés Orozco-Estrada eta Xabier Elorriaga aktorea, kontzertua aurkeztu zuena.
Kontzertuak eta Sarrerak Urria
