Euskadiko Orkestrak larunbat honetatik aurrera 20/21 Denboraldiko kontzertuak eskainiko ditu ETBn eta bere YouTubeko kanalean
ETB2k larunbatetan eta 11:00etan emango ditu beti kontzertuok, azaroaren 28an hasita, eta 2021eko uztailera arte.
Telebistako emisioak egin ahala, Euskadiko Orkestrak publikoaren eskura jarriko ditu kontzertuotan interpretatutako obrak bere YouTubeko kanalean.
Modu presentzialean publikoarengana iristeko gaur egun dagoen zailtasunari aurre egiteko formula gisa, Euskadiko Orkestra berriz aliatu da EiTBrekin, oraingo honetan Denboraldiko kontzertuen grabazio eta zabalkunderako. Larunbat honetan hasita, azaroak 28, 11:00etan, eta 2021eko uztailera arteko beste larunbat batzuetan, ETB2k banan-banan emango ditu Euskadiko Orkestrak Denboraldi honetan Bilboko Euskalduna Jauregian eskainiko dituen kontzertu guztiak.
Euskadiko Orkestrak eta EiTBk elkarrekin ‘Euskadiko Orkestra Martxan!’ izenburupean aurtengo maiatz eta uztaila bitartean eskaini zituen emisioei gehitzen zaie saio-sorta berri hau. Covid-19 pandemiaren lehen olatuaren eta horren ondoriozko itxialdiaren ostean lehendabizikoz eszenatokira itzuli zen Euskadiko Orkestra aipatu ekimen horri esker (Estatuko lehen orkestra eta Europako lehenengoetakoa izan zen martxan jartzen eta eszenatoki gainean berriz biltzen). Une hartan, tamaina txikiko orkestrarekin (gehienez 50 musikarirekin) ateak itxita 8 kontzertuko denboraldi txiki bat eskaini zuen, lehendabizi ETB2n eta ondoren orkestraren YouTubeko kanalean, zeinean 10.000 bistaratze baino gehiago pilatu dituen.
Orain Denboraldiko kontzertuak dira ETB2n eta YouTuben emateko grabatzen ari direnak. Indarrean dauden murrizketen ondorioz publiko gutxiagoren aurrean ari da eskaintzen orkestra kontzertuok auditorio gehienetan.
ETB2ko emisioen egutegia
13 kontzertu ematea aurreikusten da, guztiak Bilboko Euskalduna Jauregian grabatuak. ETB2k beti larunbatetan eta 11:00etan eskainiko ditu kontzertuok, azaroaren 28an hasita, eta 2021eko uztailera arte, salbuespen bakarrarekin: Gabon Kontzertua, ostiralez emango dena, abenduaren 25ean.
ETB2ko emisioaren data | Kontzertu-programa | Noiz/non grabatua | Artistak |
Azaroak 28 (11:00) | Schubert (1) | Irailak 30, Euskalduna Jauregia | Robert Treviño (zuzendaria) |
Abenduak 12 (11:00) | Schubert (2) | Irailak 30, Euskalduna Jauregia | Robert Treviño (zuzendaria) |
Abenduak 25 (11:00), Gabon Kontzertua | Enigmatikoa (1) | Abenduak 9, Euskalduna Jauregia | Robert Treviño (zuzendaria), Pablo Ferrández (biolontxeloa) |
Urtarrilak 9 (11:00) | Enigmatikoa (2) | Abenduak 9, Euskalduna Jauregia | Robert Treviño (zuzendaria), Pablo Ferrández (biolontxeloa) |
Urtarrilak 23 (11:00) | Wagner | Azaroak 4, Euskalduna Jauregia | Michel Tabachnik (zuzendaria), Rinat Shaham (mezzosopranoa) |
Otsailak 6 (11:00) | Aire nordikoa (1) | Urtarrilak 16, Euskalduna Jauregia | Robert Treviño (zuzendaria) |
Otsailak 20 (11:00) | Aire nordikoa (2) | Urtarrilak 16, Euskalduna Jauregia | Robert Treviño (zuzendaria) |
Martxoak 6 (11:00) | Bizirik | Otsailak 3, Euskalduna Jauregia | Ruth Reinhardt (zuzendaria) |
Apirilak 3 (11:00) | Bidaiak | Martxoak 17, Euskalduna Jauregia | Gemma New (zuzendaria), Vadim Gluzman (biolina) |
Maiatzak 1 (11:00) | Bruckner | Apirilak 10, Euskalduna Jauregia | Robert Treviño (zuzendaria) |
Maiatzak 29 (11:00) | Gazteak | Maiatzak 5, Euskalduna Jauregia | Hans Graf (zuzendaria), Birgit Kolar (biolina) |
| |||
Uztailak 3 (11:00) | New York | Ekainak 16, Euskalduna Jauregia | Robert Treviño (zuzendaria), Nikolai Lugansky (pianoa) |
Datek, bereziki denboran urrutien daudenek, aldaketak jasan ditzakete. Gerturatu ahala konfirmatuko dira euskadikoorkestra.eus webgunean eta Euskadiko Orkestraren sare sozialetan.
Obrak eskuragai YouTuben
Telebista-saioak gauzatu ahala, Euskadiko Orkestrak kontzertuak YouTubeko bere kanalera igoko ditu, obraz obra.
Martxoko itxialdiaren hasieratik orkestra apustu nabarmena ari da egiten arlo digitalean kalitatezko ikus-entzunezko edukiak sortu eta zabaltzeko eta dagoeneko 7.000 harpidedun inguru ditu YouTubeko kanalean. Denboraldi honetan beste urrats bat emango du kontzertuen gehiengoa plataformara igoz.
Kontzertuak eta Sarrerak Maiatza
