Euskadiko Orkestraren entsegu irekia ikastetxeentzat

Euskadiko Orkestra Sinfonikoaren Musika Gelak Orkestrak ekainaren 14an goizeko 11:00etan Donostiako Kursaal Auditorioan egingo duen entsegura gonbidatzen ditu Euskal Autonomi Erkidegoko ikastetxeak. Orkestraren titular Andrés Orozco-Estradaren zuzendaritzapean, Leticia Moreno biolinjotzailea izango da bakarlari. Gonbidapen hau EAEko ikastetxeetako taldeei zuzentzen zaie soilik, ez indibidualki bertaratu nahi duten pertsonei.

Dantzak eta ijitokeriak. Dantzarako bi partitura zoragarrik, denbora tartean hurbil dauden arren estilo aldetik oso desberdinak -Escudero donostiarraren Dantzari baten ametsa poema koreografikoa eta West Side Story-ren Dantza Sinfonikoak, komedia musikalera eramandako Romeo eta Julieta-ren moldaketa lana, Bernstein mundu osoan zehar ospetsu bihurtu zuena- erakustaldi pirotekniko zoragarria taxutzen dute. Bertan, Sarasateren biolin bikainak, autore eta transkribatzaile den aldetik (Fantasia "Carmen"en inguruan) nahiz interprete eta dedikatario den aldetik (Saint-Saënsen Sarrera eta Rondo kapritxosoa), Ravelen Tzigane gori eta gutxitan jendarteratutakoari eransten dio berezkoa duen birtuosismoa.

Zuen Ikastetxeak entsegu ireki honetara etortzeko interesa badu, "Zuretzat interesgarria" atalean aurkituko duzuen formularioa bertan zehaztutako posta elektroniko helbidera.

Informazio gehiago