Euskadiko Orkestraren 'Wagner' programa eitb.eus-en eta euskadikoorkestra.eus-en zuzenean jarraitu ahal izango da gaur arratsaldean
Gaur, 20:15ean, Bilboko Euskalduna Jauregitik zuzenean eskainiko du Euskadiko Orkestrak bere bigarren kontzertu-programa.
Edukiera eta mugikortasuna murrizteak eragin handia izan du kontzertuen bigarren programa honetan. Hori dela eta, kontzertuetara joaterik ez dutenek Wagnerri eskainitako kontzertu hau zuzenean ikusteko aukera izango dute eitb.eus-en eta Euskadiko Orkestraren webgunean. Michel Tabachnikek zuzenduko du eta Rinat Shaham mezzosopranoa izango da artista gonbidatua.
Murrizketa berriak direla-eta, planteamendu berriak diseinatu behar dira, jarduerari eutsi ahal izateko. Horregatik, EITBk eta Euskadiko Orkestrak beste pauso bat eman dute euren elkarlan estuan, eta, oraingoan, denboraldiko kontzertuak grabatzeaz eta ondoren ETB2n emateaz gain, gaur arratsaldean, eitb.eus-en eta euskadikoorkestra.eus-en zuzenean jarraitzeko aukera ere izango da.
Programa
R. WAGNER:
Sigfridoren idilioa
Wesendonck Lieder
W. A. MOZART:
35. Sinfonia, ‘Haffner'
MICHEL TABACHNIK, zuzendaria
RINAT SHAHAM, mezzosopranoa
Emisioa: 20:15
EITB: https://www.eitb.eus/eu/kultura/zuzenean/
EUSKADIKO ORKESTRA: euskadikoorkestra.eus
Kontzertuak eta Sarrerak Abuztua
