Gernikarako opera bat, hurrengo Abonu-programan
- ‹05 Apirila, 2017“Bertso berriyak jartzera nua”, Maialen Lujanbio, Trío Sincronía eta Mikel Chamizo eszenatokian bilduko dituen proiektu berriztatzailearen erabateko estreinaldia Miramongo Matinéetan
- ›21 Apirila, 2017Euskadiko Orkestra Sinfonikoak Vicente Goicoechearen lana berreskuratuko du, Arabako Foru Aldundiaren babesarekin
Hurrengo Abonu-programan, eta 1937ko bonbardaketaren 80. urteurrena betetzearekin batera, Francisco Escuderoren Gernika azken operako hainbat eszenen aukeraketa berreskuratu dugu, euskal musikagilearen gailurretako bat. Kontzerturako, lanaren enkargua egin eta 1987. urtean estreinatu zuen Bilboko Koral Elkartearen eta egungo abeslari liriko nagusienen partaidetza izango dugu, José Ramón Encinar-en zuzendaritzapean. Apirilaren 24tik 28ra.
Programa irekiz, Gasteizen apirilaren 24an izango den kontzertuaren hasieran Vicente Goicoechearen lana ekarriko dugu gogora, bere heriotzaren mendeurrenean. Gasteizko Abesbatza lagun duela, haren hainbat lan liturgiko interpretatuko ditu Euskadiko Orkestra Sinfonikoak.
Iruñean (apirilak 25), Bilbon (apirilak 26) eta Donostian (apirilak 27 eta 28), aldiz, Suzko txoria lanak irekiko ditu kontzertuak, Igor Stravinskyren lehenengo ballet handiak, alegia.
Kontzertuak eta Sarrerak Urtarrila
