Klasikoak gaur: Euskadiko Orkestrako kidek osatutako hirukote batek Mozart eta Beethovenen obrak interpretatuko hizpide

Urriaren 31 larunbatean Euskadiko Orkestraren Miramongo egoitzako auditorioan Matinéea izango da. Oraingoan klasikoen artean klasikoak diren bi konpositorekin dugu hitzordua: Mozart eta Beethovenekin, alegia. Kontzertuan protagonista izango den Trío Sincroníako kideek dioten bezala,horiek ez baitute gaurkotasunik galtzen. Pianodun bi trio entzuteko aukera izango da.

Sincronía Trioa Euskadiko Orkestraren baitan sortutakoa da. Orkestrako kide dira Maialen Rezabal biolinista eta Beatriz Linares biolontxelo-jotzailea; Pedro José Rodríguez pianista, halaber, sarritan aritzen da EOSaren lankide.

Sincronía-k adierazpen irmoa eginez aurkezten du larunbateako kontzertua: "Hainbeste idolo dago munduan! Musikari dagokionez, egungo izarrak bakarrik dauzkagu ahotan, Beyoncé, Bono edo Alejandro Sanz, onenean ere. Sincronia Trioa osatzen dugunok musika klasikoko jenioen ibilbideak egungo izarrenak bezain aberatsak eta hausleak direla aldarrikatu nahi dugu. W.A. Mozart eta L.V. Beethoven, gu guztion bizitzako zati dira. Interpretatuko ditugun partiturak pare bat esalditan iruzkintzeko, Mozarten Trioa si bemol maiorrean, 1788an estreinatua, generoaren ikusmolde modernoarengandik gertuago dago; biolontxeloak bikoizte hutsa egiteari uzten dio hemen. Beethovenen Trioa si bemol maiorrean, 1814an estreinatua, konpositorearen maisulanetako bat dugu eta erabateko erreferentzia izan da XIX. mende osoan zehar; bere etorria eta sormen-fantasia, gaia, tonu eta harmoniari dagokionez, gorenak dira".