Asteazkena 05 Abendua, 2018

Orkestra “bikain” aritu da Danubio ertzean

Orkestra Linzen Robert Treviñoren zuzendaritzapean
Orkestra Linzen Robert Treviñoren zuzendaritzapean

Euskadiko Orkestra Sinfonikoak maisuki inauguratu zuen atzo bere nazioarteko bira Linz hiri austriarrean.

Anton Brucknerren baimenarekin (jatorriz Linzekoa eta atzoko entzunaretoaren izenaren arrazoia: Brucknerhaus), gure Orkestrak atzo Austria Garaiko hiriburuko kontzertua Aita Donostiaren Meditazioa obrarekin ireki zuen. Danubio ibaiaren ertzean euskal konpositorea entzun eta interpretatzeak asko hunkitu zuen Orkestra. Eta are gehiago berak bataiatu zuen Elena Martínez de Murguía, izan ere, bere osaba zaharrak 1908an organorako idatzi zuen obra hau, geroago orkestratu zena, izan baitzen atzo Orkestrak Linzen interpretatu zuen lehen obra. Lana laburra da, delikatua, eta nor bere baitan biltzeko gonbidapen bat ere bada. Orkestrak bere historian lehendabizikoz jo zuen jendaurrean Aita Donostiaren lan hau.

 

Elgar sartu zen azken orduan Linzen

 

Kontzertu-programak ustekabe bat ere izan zuen, ordea. Mojca Erdmann sopranoa, biran gurekin datorrena eta hasiera batean atzoko kontzertuaren lehen zatian Mozart interpretatu behar zuena, ondoezik sentitu zen eguerdian eta zera erabaki behar izan zuen: kontzertu guztiari aurre egiteko gai ez zenez izango, bere indarrak Mahlerrek Laugarren sinfoniaren bigarren zatirako gordetzea. Zailtasunak zailtasun, Orkestrak laster aurkitu zuen irtenbidea: berez Municheko kontzertuaren lehen zatirako gordea zegoen arren, Elgarren Enigma bariazioak ekarri ziren Linzeko atriletara Aita Donostiaren ostean, kontzertuaren lehen zatia borobiltzeko. Orkestrak ondo prestatua zeraman obra eta konfiantza osoz jo zuen, izan ere, pasa den astean egunero interpretatu baitzuen bere Abonu Denboraldiaren baitan. Obra osatzen duten hamalau bariazioak konpositore britainiarraren lagunei buruzkoak dira, eta ospea lortzeko balio izan zioten Elgarri. Bernhard Prammer organojolea Mozart interpretatzeko prest zegoen, baina berak ere Enigma bariazioen partiturarekin ordezkatu behar izan zuen. Aretoaren goiko partean dagoen organoak 4.000 hodi ditu, eta nortasun handia ematen dio espazioari.

 

Mahler eta gehiago bigarren zatian

 

Linzeko Brucknerhausak duen akustika bikaina, aski ezagun dena, baliatuz Orkestrak Mahlerren Laugarren sinfonia maisuki interpretatu zuen, Robert Treviño gure titularraren bertsioan. Mojca Erdmann sinfoniaren laugarren mugimenduan agertu zen. Azken txanpa honetan Mahlerrek sopranoaren ahotsa jartzea erabaki zuen bizitza zerutarraren gozamenari erreferentzia egiteko. Publikoak txalo-zaparrada batekin erantzun zuen eta Internationale Orchester ziklora gonbidatutako euskal orkestraren soinua “bikain”-tzat jo zuen. Biretan ohikoa izaten den moduan, bi orduren ostean, Orkestrak bis batekin amaitu zuen kontzertua: Giménezen La boda de Luis Alonso zarzuelako intermezzoarekin.  

Behin aretoa hustuta, Brucknerhauseko jantzigeletan emozioa eta alaitasuna nabari zen, zorion-hitzak musikarien artean, baita kontzertuaren antolatzaileen artean ere, eta, batez ere, poz handia zuzendari titularrarengan. Robert Treviñok lehen nazioarteko bira du hau titular bezala zuzentzen duen bere bizitzako lehen orkestrarekin, “odolean” daramanarekin, eta Linzen “bikain” bezala laudatu dutenarekin.

Gaur Austriako hiriaz gozatzeko momentua da, baina baita Munichen pentsatzen hastekoa ere, bihar, osteguna, 20:00etan, azterketa zaila dugulako bertako Herkulessaal aretoan.

Informazio gehiago

Kontzertuko argazkiak

Zure interesekoa izan daitekeelakoan...

Asteartea 04 Abendua, 2018
Hurrengo ekitaldiak

Kontzertuak eta Sarrerak Martxoa

1 Or
2 Lr
3 Ig
4 Al
5 Ar
6 Az
7 Og
8 Or
9 Lr
10 Ig
11 Al
11 martxoa, 2024 Astelehena, 19:30 h.
Abonu Denboraldia Rakhmaninov / Strauss Riccardo Frizza Donostia / San Sebastián
Rakhmaninov / Strauss
12 Ar
12 martxoa, 2024 Asteartea, 19:30 h.
Abonu Denboraldia Rakhmaninov / Strauss Riccardo Frizza Pamplona/Iruña
Rakhmaninov / Strauss
13 Az
13 martxoa, 2024 Asteazkena, 19:30 h.
Abonu Denboraldia Rakhmaninov / Strauss Riccardo Frizza Vitoria/Gasteiz
Rakhmaninov / Strauss
14 Og
15 Or
16 Lr
17 Ig
18 Al
19 Ar
20 Az
20 martxoa, 2024 Asteazkena, 19:30 h.
Abonu Denboraldia Venegas / Prokofiev Pablo González Donostia / San Sebastián
Venegas / Prokofiev
21 Og
21 martxoa, 2024 Osteguna, 19:30 h.
Abonu Denboraldia Venegas / Prokofiev Pablo González Donostia / San Sebastián
Venegas / Prokofiev
22 Or
22 martxoa, 2024 Ostirala, 19:30 h.
Abonu Denboraldia Venegas / Prokofiev Pablo González Pamplona/Iruña
Venegas / Prokofiev
23 Lr
23 martxoa, 2024 Larunbata, 11:00 h.
Miramongo Matinéeak 11. Matinéea: Aeolia Ensemble Donostia
11. Matinéea: Aeolia Ensemble
24 Ig
25 Al
26 Ar
27 Az
28 Og
29 Or
30 Lr
31 Ig