Larunbata 19 Martxoa, 2011

Orkestra Cáceres-eko San Francisco Kulturgunean aritu zen

la Orquesta de Euskadi hizo gala de una enorme versatilidad, una capacidad de adaptación al medio que hizo que los cambios que pocas horas antes realizó el maestro Andrés Orozco-Estrada, entre ellos la decisión de que la soprano interpretara desde el púlpito, dieran como resultado un concierto redondo, sin duda para el recuerdo.

Bira bat egiteko prestaketa-lanetan murgildurik, Orkestraren ondarea bere ingurunetik at ezagutzera ematearen garrantzian pentsatzen dugu batez ere. Baina bira batek zerbati gehiago eskaintzen du beti, abian jarri aurretik ezin pentsatukoak diren esperientzia zein uneak biltzen direnekoak. Bart, esaterako. Ostegunean Méridako Kongresu eta Erakusketa Jauregian aritu ostean, Cáceres-en XV. Mendeko azken herenan eraiki eta 1723an berritutako eliza gotiko batean kontzertu bat eskaintzea aparteko erronka zen. Eta Orkestrak ez zuen kale egin. Ezta gutxiagorik ere, kontzertua ez zen edonolako bizipena izan. Eszenatokia aldare nagusian eta erdiko nabea eserleku-patio bilakatuta. Bezperan areto moderno eta akustika zainduadun batean aritua zen Orkestra, egun bere kontzertu gehienen lekuko diren aretoen parekoa, eta atzokoan, berriz, San Francisco Kulturguneko elizan. Bi emanaldien arteko kontraste itzelak bizitako unearen singulartasuna areagotu zuen. Orkestra aldare nagusian izandakoan eta sopranoa Mahlerren Laugarreneko amaierako Lied-a pulpitutik kantatzen baitaratzerako gonbidapena izan ziren, musikak gozamen artistikotik haratago eramaten gaitueneko uneetara.

Beharra bertute bilakatuta. XXI. Mendeko auditorio batetik XV.eko eliza batera: honek bere musikaren kalitatean eraginik izan ez zezan, Euskadiko Orkestrak berebiziko malgutasuna erakutsi zuen, gunera moldatzeko gaitasun handia, alegia. Horri esker, eta ordu gutxi batzuk lehenago Andrés Orozco-Estrada maisuak egindako aldaketak medio, sopranoak pulpitutik abestearen erabakia besteak beste, kontzertua borobila gertatu zen, zalantzarik gabe gogoangarri izango dena.

Eta sentsazio guzti horiek gurekin daramatzugula, Badajoz bidean gara jada. Gaur gauean hango "Manuel Rojas" Kongresu Jauregiko Auditorioan ariko da Orkestra. Berriro ere areto garaikide bat. Espainiako espazio eszeniko handienetako bat, José Selgas eta Lucía Cano arkitekto madrildarrek diseinatua, 2006an inauguratu zuten. Ezberdina izango da, egunotan berean hartu gaituen lurralde honen aberastasun eta askotarikotasunaren erakusle.

Joan argazki-albumera