Osteguna 31 Urria, 2019

‘Planetak’ eta ‘Zuhaitz’ lerrokatu egingo dira Juanjo Menak zuzenduko duen Euskadiko Orkestraren hurrengo programan

 ‘Planetak’ eta ‘Zuhaitz’ lerrokatu egingo dira Juanjo Menak zuzenduko duen Euskadiko Orkestraren hurrengo programan

Juanjo Menaren zuzendaritzapean, Euskadiko Orkestrak hurrengo kontzertu-programan euskal artista sorta bikaina bilduko du Holsten ‘Planetak’ obra handia eskaintzeko, Vocalia Taldearekin, eta Gabriel Erkorekaren ‘Zuhaitz’. Azken obra hau Euskadin estreinaldia izango da eta Kalakan hirukotearen txalaparta eta instrumentu folklorikoak Orkestraren soinu sinfonikoarekin uztartuko ditu.

Nazioartean oihartzun handiena lortu duen euskal orkestra zuzendarian bilakatuta, Juanjo Mena Euskadiko Orkestra Sinfonikoaren podiumera itzuliko da, eta Planetak izeneko programarekin egingo du, zeinaren obra nagusiak Gustav Holsten lan homonimoa eta Gabriel Erkoreka euskal musikagilearen Zuhaitz izango diren. Kontzertuak ohiko hiriburuetan izango dira: Gasteizko Principal Antzokian astelehenean, azaroak 4; Iruñeko Baluarte Auditoriumean asteartean, azaroak 5; Donostiako Kursaal Auditoriumean asteazken eta ostegunean, azaroak 6 eta 7; eta Bilboko Euskalduna Jauregian ostiralean, azaroak 8. Guztiak 20:00etan izango dira.

Kontzertu-programari titulua eman dion obra Gustav Holsten Planetak da. 1918an kontzertu pribatu batean eta handik urtebetera entzuleen aurrean estreinatu zuten obra honek bete du jada bere lehen mendeurrena, errepertorio klasikoko lan entzutetsuenetako bat bilakatuta ospatu ere. Badirudi izugarri zabala izan gabe oparoa baden Holst britainiarraren obra sorkuntza karismatiko eta distiratsu bakar horren gerizpean geratu dela; paradoxikoki, gainera, ezaugarriok konpositorearen beraren nortasunaren kontrakoak dira, musikaria gizon lotsati eta hotza izan baitzen. Holsten beste lan bat ere entzun ahal izango da Iruña, Donostia eta Bilbon (ez, ordea, Gasteizen, teknikoki ezinezkoa izango delako): Rig Vedaren ereserkia koralen bigarren taldea, kontzertuaren irekiera moduan eskainiko dena. Holsten bi obren abesbatza-rola Vocalia Taldeak hartuko du bere gain. Emakumezkoen abesbatza gasteiztar honek 2000 urtean hasi zuen bere ibilbidea eta Basilio Astúlezek zuzentzen du gaur egun.

Kontzertu-programaren beste eragingarria Gabriel Erkorekaren Zuhaitz obraren Euskadiko estreinaldia izango da. Obra honen erabateko estreinaldia 2016ko martxoan izan zen Madrilen, Juanjo Mena beraren zuzendaritzapean. Lan honetan Erkorekaren naturaren fenomenoekiko eta musika-tresna ezohikoekiko interesa argi nabaritzen da. Hala dio berak: «Obrak ez du bere oinarri ekologista sakona ezkutatzen. Naturaren defentsan egindako kantu bat, hobe esanda, oihu bat dela esan daiteke». Gainera, 2000 urtearen inguruan bilbotarrarentzat funtsezkoa izan zen eta azkenaldian bigarren planoan utzi duen lan-lerro bat ere landu zuen obra honetan: musika “kultuaren” eta folklorearen arteko lotura. Folklorerako itzulera Kalakan abeslari-perkusionista hirukotearekin egindako elkarlanak eragin du; izan ere, Jamixel Bereau, Xan Errotabehere eta Bixente Etchegaray euskal musikariek hainbat instrumentu jotzen dituzte Zuhaitz obraren baitan, txalaparta, alboka, xirula eta adarra kasu. Lanak oso bestelako bi soinu-mundu uztartzen ditu: batetik, abeslari-solistak daude, ahozko tradiziotik datozenak eta batzuetan nolabaiteko askatasun mailarekin inprobisatzen dutenak eta, bestetik, orkestra, azken ñabardura arte idatzita dagoen partitura bat interpretatzen duena.

1997 eta 1999 bitartean Euskadiko Orkestraren zuzendari elkartu izan ostean, Juanjo Menaren (Gasteiz, 1965) lehen titulartasuna Bilbao Orkestra Sinfonikoarekin izan zen. 1998tik 2008ra zuzendu zuen aipatu orkestra, eta bien arteko harreman luzea funtsezkoa izan zen bai zuzendariarentzat bai orkestrarentzat haien garapen artistikoan mugarri berriak erdiesteko. Ondoren Menak nazioartera jo zuen: 2007an Genovako Carlo Fenice antzokira et Bergeneko Filarmonikara, zuzendari gonbidatu bezala lan egitera eta, 2010ean, Manchesterko BBCren Filarmonikara, non zuzendari titularra izan zen 2018ra arte. Gaur egun, maila goreneko nazioarteko konpromisoetan buru-belarri murgilduta dago. Hainbeste esperotako gure Denboraldirako itzulera hau amaitu bezain laster, Lucernako Sinfonikoaren, Chicagoko eta Detroiteko orkestren edo Espainiako Orkestra Nazionalaren aginduetara jarriko da.

Bestalde, Musikeneko goi mailako ikasketetako hamabost ikaslek parte hartuko dute kontzertu-programa honetan, Aula Jordá Gelaren baitan, Euskal Herriko Goi Mailako Musika Ikastegiak eta Euskadiko Orkestra Sinfonikoak sinatutako lankidetza-hitzarmenaren baitan, alegia.

Sarrerak salgai (10€tik 35€ra). Kontzertu hauetarako sarrerak salgai daude euskadikoorkestra.eus webgunean eta kontzertu-aretoetako webguneetan zein leihatiletan. "Azken ordu gaztea": 30 urtetik beherako lagunek aukera izango dute gune guztietako sarrerak 10€tan erosteko, kontzertua hasi baino 30 minutu lehenago (leihatilan).

Hurrengo ekitaldiak

Kontzertuak eta Sarrerak Azaroa

1 Or
2 Lr
3 Ig
4 Al
5 Ar
6 Az
7 Og
8 Or
9 Lr
10 Ig
11 Al
12 Ar
13 Az
14 Og
14 azaroa, 2019 Osteguna, 20:00 h.
Bestelako jarduerak Donostiako Orfeoiko Bazkide eta Adiskideen Kontzertua José Antonio Sainz Alfaro Donostia / San Sebastián
Donostiako Orfeoiko Bazkide eta Adiskideen Kontzertua
15 Or
16 Lr
17 Ig
18 Al
19 Ar
20 Az
21 Og
22 Or
22 azaroa, 2019 Ostirala, 11:30 h.
Musika Gela Eskola Kontzertuak: Urrutiko Lurraldeak Maite Aurrekoetxea Donostia / San Sebastián
Eskola Kontzertuak: Urrutiko Lurraldeak
23 Lr
23 azaroa, 2019 Larunbata, 11:00 h.
Miramongo Matinéeak 5. Matinéea: Miren Urbieta-Vega & Javier Pérez de Azpeitia Donostia / San Sebastián Sarrerak erosi
5. Matinéea: Miren Urbieta-Vega & Javier Pérez de Azpeitia
24 Ig
25 Al
26 Ar
27 Az
28 Og
28 azaroa, 2019 Osteguna, 20:00 h.
Bestelako jarduerak Gala Kursaal 20 urte Juan José Ocón Donostia / San Sebastián Sarrerak erosi
Gala Kursaal 20 urte
29 Or
29 azaroa, 2019 Ostirala, 19:00 h.
Bestelako jarduerak Getxo: Klasikotik zinemara Fernando Velázquez Getxo Sarrerak erosi
Getxo: Klasikotik zinemara
30 Lr