Osteguna 24 Urria, 2019

Josu Okiñena pianojole donostiarra, larunbat honetako Miramongo Matinéearen protagonista

Josu Okiñena pianojole donostiarra, larunbat honetako Miramongo Matinéearen protagonista

Urriaren 26an, larunbata, 11:00etan, Miramongo Auditoriumean izango den kontzertuan, euskal pianista handiak errezital bat eskainiko du Aldave, Aita Donostia, Garbizu eta Erkoreka bezalako euskal egileen obrekin eta Franz Liszten bizitzako azkenetako konposizio-sorta batekin.

Larunbat honetan, urriak 26, 11:00etan, Miramongo Matinéeen, Euskadiko Orkestra Sinfonikoaren ganbera-musika zikloaren, Denboraldiko hirugarren kontzertua izango da. Bertan, Josu Okiñenak piano-errezital bat eskainiko du, zeinaren programa pianistak berak prestatu duen “euskal musika klasikoa eta nazioarteko errepertorioa eskaintzearen konpromisoari” erantzunez. Horretarako, Euskal Herriko XX. eta XXI. mendeetako konposizio esanguratsuenetako batzuk aukeratu ditu, baita Franz Liszt handiaren XIX. mende amaierako konposizio batzuk ere, bere ustez “XX. mendeko lengoaia konpositiboaren aurrekari diren obrak”.

Okiñenak errepertorioa Aldave, Aita Donostia, Garbizu eta Erkoreka bezalako euskal konpositoreetan ardaztu du. Garbizu barne hartzeak balioko du bere heriotzaren 30. urteurrena gogora ekartzeko, azaroaren 27an gertatuko dena.

Bestalde, Erkorekaren Hodeiak obrak, Okiñenaren hitzetan “obra paregabea” denak, lotura ezarriko du Franz Liszten Hodei tristeak lanarekin. Azken honen bidez, pianistak autore austriarraren errepertorioaren hautaketa bati helduko dio, bereziki bere bizitzaren amaierako obrei.

Josu Okiñenaren (Donostia, 1971) jarduera profesionaleko bi ardatzak ikerketa eta interpretazioa dira, beti ere diziplina arteko ikuspegidun jarduera zientifikoa oinarri gisa hartuta. Nazioarteko formakuntza zabal eta intentsu baten ostean, bere lan pedagogikoaz Musikene Euskal Herriko Goi-Mailako Musika Ikastegian parte hartzen jardun da 2001etik, eta munduko unibertsitate ugaritan graduondoko ikastaroak eskaini ditu. Munduko ospe handietako aretoetan jo eta nazioarteko jaialdirik ezagunenetan parte hartu du Okiñenak; izen handiko orkestretan kolaboratu ere bai.

Kontzertu honekin Euskadiko Orkestra Sinfonikoak bere Miramongo egoitzaren inaugurazioaren 30. urteurrena ospatu nahi du, 1989ko urriaren 21ean izan zena. Egoitzaren eraikuntza Orkestraren garapenaren gakoetako bat izan zen eta, besteak beste, Miramongo Matinéeen zikloaren jatorri izan zen. Gaur egun areto berezia izaten jarraitzen du eta bi altxor nagusi hartzen ditu barne: Rafael Ruiz Balerdik margotutako olio-pinturak eta organoa, Robert Chauvinek eraikitakoa.

Sarrera solteak (7€) salgai daude euskadikoorkestra.eus webgunean eta Kursaal Auditoriumeko leihatilan. Gainera, leku librerik geratuko balitz, Orkestraren egoitzako leihatilan bertan eros ahal izango lirateke kontzertuaren egunean.

Miramongo Matinéetara eroso joateko, Euskadiko Orkestrak doako autobus-zerbitzua eskainiko dio bertaratu nahi duen orori. 10:25ean abiatzen da autobusa Gipuzkoa Plaza 4tik eta geldialdiak egiten ditu Antso Jakituna 18an eta Madril Hiribidea 34an.

Miramongo Matinéeek Kutxa Fundazioaren babesa dute sortu zirenetik.

Hurrengo ekitaldiak

Kontzertuak eta Sarrerak Urtarrila

1 Az
2 Og
3 Or
4 Lr
5 Ig
6 Al
7 Ar
8 Az
9 Og
10 Or
10 urtarrila, 2020 Ostirala, 20:00 h.
Abonu Denboraldia Aingerua Robert Treviño Donostia / San Sebastián
Aingerua
11 Lr
11 urtarrila, 2020 Larunbata, 20:00 h.
Abonu Denboraldia Aingerua Robert Treviño Bilbao/Bilbo
Aingerua
12 Ig
13 Al
13 urtarrila, 2020 Astelehena, 20:00 h.
Abonu Denboraldia Aingerua Robert Treviño Donostia / San Sebastián
Aingerua
14 Ar
14 urtarrila, 2020 Asteartea, 20:00 h.
Abonu Denboraldia Aingerua Robert Treviño Vitoria/Gasteiz
Aingerua
15 Az
15 urtarrila, 2020 Asteazkena, 20:00 h.
Abonu Denboraldia Aingerua Robert Treviño Pamplona/Iruña
Aingerua
16 Og
17 Or
18 Lr
18 urtarrila, 2020 Larunbata, 11:00 h.
Miramongo Matinéeak 7. Matinéea: Kolpeka Perkusio-taldea Donostia / San Sebastián Sarrerak erosi
7. Matinéea: Kolpeka Perkusio-taldea
19 Ig
20 Al
21 Ar
22 Az
22 urtarrila, 2020 Asteazkena, 20:00 h.
Abonu Denboraldia Lurra Robert Treviño Donostia / San Sebastián Sarrerak erosi
Lurra
23 Og
23 urtarrila, 2020 Osteguna, 20:00 h.
Abonu Denboraldia Lurra Robert Treviño Bilbao/Bilbo Sarrerak erosi
Lurra
24 Or
25 Lr
25 urtarrila, 2020 Larunbata, 20:00 h.
Bestelako jarduerak Kontzertua Pariseko Théâtre des Champs-Élyséesen Robert Treviño Paris Sarrerak erosi
Kontzertua Pariseko Théâtre des Champs-Élyséesen
26 Ig
27 Al
28 Ar
29 Az
29 urtarrila, 2020 Asteazkena, 20:00 h.
Abonu Denboraldia Lurra Robert Treviño Donostia / San Sebastián Sarrerak erosi
Lurra
30 Og
31 Or
31 urtarrila, 2020 Ostirala, 20:00 h.
Abonu Denboraldia Lurra Robert Treviño Vitoria/Gasteiz Sarrerak erosi
Lurra