PRENTSAURREKORAKO DEIALDIA
Euskadiko Orkestrak MUSIKA GELA aurkezten du, aurrerantzean bere Hezkuntza Departamentutik diseinatutako jarduera guztiak bilduko dituen marka berria. Denboraldi honetarako 17 kontzertu programatu dira, jada finkatutako Musika Familian eta orain abian jartzen den Eskola-Haurrentzako Kontzertuak zikloen artean banaturik, eta hauez gain baita Ikastetxeentzako jarduera multzo zabala ere. Aurkezpena izango da:
Astelehena, Urtarrilaren 18an
11:30etan
Orkestraren Miramongo Egoitzan
Donostian
Kultura sailburu eta Euskadiko Orkestrako presidentea, Blanca Urgell, zuzendari nagusia, Iñigo Alberdi, zuzendari titularra, Andrés Orozco-Estrada, Hezkuntza Departamentuaren koordinatzailea, Mikel Cañada, Gasteizko Udal Antzokien Sareko arduraduna, Marta Monfort, Kursaal Fundazioaren zuzendaria, José Antonio Echenique, Santiago Ipiñazar El Diario Vasco-ren ordezkaria eta Jon Aizpurua, Donostiako Udaleko Hezkuntza Ataleko ordezkaria, izango dira aurkezpen honetan arituko direnak.
Bertan izango zaituztegulakoan eta MUSIKA GELAri ahalik eta oihartzun zabalena emango diozuelakoan.
