Euskadiko Orkestrak larunbat honetatik aurrera 20/21 Denboraldiko kontzertuak eskainiko ditu ETBn eta bere YouTubeko kanalean
ETB2k larunbatetan eta 11:00etan emango ditu beti kontzertuok, azaroaren 28an hasita, eta 2021eko uztailera arte.
Telebistako emisioak egin ahala, Euskadiko Orkestrak publikoaren eskura jarriko ditu kontzertuotan interpretatutako obrak bere YouTubeko kanalean.
Hezkuntza eta Gizarte Kontzertuen Antolatzaileen Sarearen (ROCE) XI. Topaketa abenduaren 17an izango da Tenerifen
‘Musika komunitatean. Parte-hartzea, inklusioa eta ongizatea' izenburua duen aurtengo edizioa gai horien inguruan diharduten diziplina anitzeko profesionalei zuzenduta dago, eta abenduaren 7ra arte egongo da izena emateko aukera.
Euskadiko Orkestra ROCEren sortzaileetako bat da, eta Mikel Cañada Euskadiko Orkestrako Musika Gelako koordinatzailea da sarearen egungo presidentea.
Arima Boskoteak eskainiko du larunbat honetako Miramongo Matinéea
Euskadiko Orkestrako musikariek osatzen duten taldeak Mozarten eta Mendelssohnen bi bioladun kintetoak eskainiko ditu larunbat honetan, azaroak 14, 11:00etan, Miramongo Auditoriumean.
Euskadiko Orkestrak eta Kursaal Eszenak ‘Ekomusik’ programatu dute, musika ekologiarekin lotzen duen Musika Familian kontzertua
6 eta 10 urte bitarteko haurrei zuzendutako Musika Familian kontzertu baten eszenatoki bihurtuko da Kursaaleko Ganbera aretoa larunbat honetan, azaroak 14, 18:00etan. ‘Ekomusik’ Euskadiko Orkestraren Musika Gelaren ekoizpena da, eta musika klasikoaren eta ekologiaren arteko harreman zuzena irudikatzen saiatuko da.
Sarrerek 7€ eta 3€ (12 urtetik beherakoentzat) balio dute eta Kursaaleko leihatilan, kursaal.eus webgunean eta euskadikoorkestra.eus-en eros daitezke.
Fagota protagonista larunbat honetako Miramongo Matinéean
‘Fagotaren bidaia Europako erdigunera’ izeneko kontzertuan Barrococo taldeak Krommer, Telemann eta Reicharen obrak eskainiko ditu larunbat honetan, azaroak 7, 11:00etan, Miramongo Auditoriumean.
Espainiako Orkestra Sinfonikoen Elkarteak (AEOS) kultur jarduerari eusteko konpromisoa sinatu du
Estatuko orkestrak biltzen dituen elkarte honen kide denez gero, Euskadiko Orkestrak ere konpromiso horri heldu nahi izan dio.