Tangoa protagonista larunbat honetako Miramongo Matinéean
Euskadiko Orkestrako musikariek osatutako Kuadrilla Lagunak boskoteak Piazzolla eta Gallianoren tangoak interpretatuko ditu Denboraldiko seigarren Matinéean, larunbat honetan, abenduak 19, 11:00etan, Miramonen.
Euskadiko Orkestrak kontzertua eskainiko du ostiral honetan Getxon
Getxora egingo duen hogeita hamargarrengo bisitan, Euskadiko Orkestrak, Andoni Martinez Barañano tenorrarekin batera, Algorta auzoari eskainitako abesti bat estreinatuko du, Fernando Velazquezek konposatua eta Unai Elorriaga idazlearen hitzekin. Txaikovski eta Johann eta Josef Straussen obra ezagunek eta gabonetako ohiko beste kantu batzuek osatuko dute Juan Jose Oconek zuzendutako kontzertu honen egitaraua.
Euskadiko Orkestrak 20/21 Denboraldiko kontzertuetako obrak YouTubera igoko ditu gaurtik aurrera
Euskadiko Orkestrak gaur ekin dio 20/21 Denboraldian interpretatzen ari den obrak bere YouTubeko kanalean argitaratzeari, Schuberten '2. Sinfoniarekin’. ETBk grabatutako kontzertuak dira eta ETB2n ere ematen ari dira.
Mefisto Laukoteak eskainiko du larunbat honetako Miramongo Matinéea
Euskadiko Orkestrako musikariek osatzen duten taldeak Bartok eta Beethovenen kuarteto bana eskainiko du larunbat honetan, abenduak 5, 11:00etan, Miramongo Auditoriumean.
Pablo Ferrandez biolontxelojoleak Xostakovitxen kontzertu zailei egingo die aurre Euskadiko Orkestraren hurrengo kontzertu-programan
Robert Treviñok zuzenduko duen programa berri honek ordutegi berriak ditu, baita kontzertu-egun bat gehiago ere Donostian, eta sarrerak izango ditu salgai saio batzuetan. Iruñeko Baluarten programatuta zeuden bi saioak bertan behera geratu dira edukiera-mugen ondorioz.
Musikeneko 30 bat ikaslek hartuko dute parte Euskadiko Orkestraren hurrengo kontzertu-programan
Musikeneko Orkestra Ikasketen Masterreko hogeita hamar bat ikasle Euskadiko Orkestraren egoitzan bildu dira aste honetan Iker Sanchezen gidaritzapean prestakuntza-entseguak egiteko.
Datorren astetik aurrera Euskadiko Orkestrako musikariek euren hurrengo kontzertu-programari, 'Enigmatikoa' izenekoari, ekiteko egingo dituzten entseguekin bat egingo dute ikasleek. Programa hori abenduaren 4tik 12ra izango da.