Angel Illarramendi. Zuzenean

Angel Illarramendi euskal konposatzaileak 24 disko ditu editatuak, eta obra ugari egin ditu beste autore batzuekin partekatutako diskoentzako. Gainera, bere ibilbide profesionalean askotariko sariak jaso ditu bai hemen, bai nazioartean.

Karrera zabal eta bikain hori omentzeko, 2017ko irailaren 15ean Zarauzko Polikiroldegian omenaldi-kontzertu bat eskaini zitzaion Illarramendiri. Bertan, Euskadiko Orkestra Sinfonikoak parte hartu zuen José Miguel Pérez-Sierraren zuzendaritzapean, baita Donostiako Orfeoiak eta Zarauzko Abesbatzak ere, José Antonio Sainz Alfaroren eta Jaione Eskuderoren zuzendaritzapean, hurrenez hurren. Solista gisa honakoak aritu ziren: Josu Okiñena (pianoa), Juan Navarro (klarinetea, EOSeko kidea) eta Delphine Dupuy (biola, EOSeko kidea). Kontzertua grabatu egin zen eta orain Karontek editatutako CD bikoitz batean aurkeztu da.

CD1
1) Zarautz, poema sinfónico (15:24)
2) Concierto para clarinete, piano, viola y orquesta (29:08)

CD2
1) 7ª Sinfonía (38:15)
2) Muerte de César. Suite BSO "Los Borgia" (3:16)
3) Zarautz (4:19)
4) Agur Jaunak (3:04)