Ken Zazpi & Euskadiko Orkestra Sinfonikoa

Ken Zazpiren lan berriak eta arrakastatsuenak biltzen dituen 11 abestiko diskoa. Proiektu hau, Eñaut Elorrieta buru duen taldearen errepertorioaren moldaketa sinfonikoak biltzeko baino, Euskadiko Orkestra Sinfonikoak eta Gernikako taldeak egungo euskal musikaren arloari egin nahi izan dioten erreferentziazko ekarpena izateko jaio zen. Proiektuaren musika-zuzendaria Fernando Velazquez musikagile getxotarra izan da. Berak egin ditu, gainera, orkestra sinfonikorako moldaketak. Atriletan, ondokoak: Hegoak astindu, Gernikan, Bihotz, Noizbait, Hel nazazu eskutik, Itsasoa gara, Ilargia, Oinutsik, Haizea, Zapalduen olerkia eta Gereziondoa.