1. Matinéea: Leioa Kantika Korala

Kaleido Leioa Kantika Koralaren musika-unibertsoa osatzen duten kolore eta formez osaturiko mosaiko bat da. Basilio Astulez berak programarekin doazen iruzkinetan dioen bezalaxe, "moldakortasuna eta aniztasuna dira, apika, programa hobekien zehazten duten ezaugarriak”. Finlandia, Suedia, Eslovenia, Estatu Batuak, Kanada, Singapur, Letonia, Melilla edo Euskadi bezalako jatorri hain ezberdineko egile garaikideen lanez osatuta dago. Guztien artean, irudimenezko kaleidoskopio bat osatzen dute, Irlandako baso batean gertatutako maitemindutako bikote baten topaketatik loretan dauden sagarrondo batzuen gaineko udaberriko elurte bateraino doana, aztikeria, Lorcaren olerki, iluntzean sorturiko fantasiazko izaki batzuen exotismo asiarra edo Marokoko ezkontza tradizional baten solemnitate eta poza ukitu ostean.