1. Matinéea: Original Quintet

Kontzertu honetarako aukeratu ditugu ‘Amuarraina’ izenez ezagutzen den Franz Schuberten Pianorako kintetoa, elegantea bezain maliziatsua, eta Sergei Prokofieven Oboe, klarinete, biolin, biola eta kontrabaxurako kintetoa, errusiar musikagileak bere une goibel, intentsu eta depresiboenean idatzitakoa. Bi maisulan hauek argi eta garbi erakusten dute nola posible den pieza musikal berean edertasuna eta itsustasuna irudikatzea.

Bi lanetan nabari da konpositoreek obra idatzi zutenean zuten aldartea, eta biek ala biek dute natura inspirazio-iturri nabarmen gisa.

Alde batetik, Schuberten obra Sylvester Paumgartner austriarrarentzat idatzia izan zen. Musikaren mezenas dirudun eta biolontxelojole amateur honek berak eskatu zion Schuberti aldaera batzuk egiteko obrari ‘Die Forelle’ edo ‘Amuarraina’ izena ematen dion Liedean.

Bestetik, Prokofieven obrak, ilun xamarra den arren, badu esperantza-ukitu bat. 1924an idatzi zuen, Parisen bizitzen zegoen bitartean. Bertan, antzerki- eta dantza-konpainia ibiltari batek eskatu zion Prokofievi ganbera-ballet bat prestatzeko, eta orduan jaio zen obra hau.