10. Matinéea: Ensemble Diatessaron

Ensemble Diatessaron musika barroko eta errenazentistan espezializatutako formazioa da, XVI. mendetik XVIII. mendera arte, jatorrizko instrumentuekin interpretatua, musikari onenekin elkarlanean aritzen dena, guztiak errepertorio honetan espezializatuak. Bere helburua musika mota hau mugak eta mendeak zeharkatzen dituen hizkuntza unibertsal bihurtzea da, beti giza arimaren sakonenera iritsi

2019tik 2020ra bitartean 400 urte bete dira Barbara Strozzi eta Isabella Leonarda egileak jaio zirenetik. Horregatik, Matinée honetan bi musikagile emankor hauei omenaldia egin nahi die musika-talde honek.

Barbara Strozzik zortzi obra liburuki argitaratu zituen, XVII. mendeko beste edozein konpositorek baino kantata gehiago barne, ia guztiak soprano eta baxu jarraituarentzat. Bere musika sakonki errotuta dago 'Seconda prattica' izeneko teknikan, eta horren adibide nagusia Claudio Monteverdiren lana da. Barroko goiztiarreko musika izendatzen duen teknika bat da, askatasun harmoniko eta kontrapuntistiko handiagoak hartu zituena, eta baxu jarraituaren hasiera ere irudikatzen duena. Strozzi abeslari bikaina izan zen, instrumentista trebea eta musikagile bertutetsua. Barroko hutsa.

Bestalde, kontzertuaren errepertorioan 1600. urteko Italiako beste konpositore handi baten obra bat dago: Isabella Leonarda. Musika-konposizioak argitaratu zitzaizkion lehen emakumetzat hartzen da. Bere obra zabalak motete asko, ahots-musika eta sonata instrumentalen liburu bat biltzen ditu.

Bi konpositoreek euren garaiko maisu handiak izango dituzte lagun Matinée honetan, hala nola Merula, Monteverdi, Frescobaldi eta Cesti.