14. Matinéea: Dumka

Matinée honen programa itzal handiko bi egileren obrez osatzen da, biak ala biak oso ezagunak errepertorio bereziki joria izateagatik: Dmitri Xostakovitx eta Antonin Dvorak.

Lehendabizi Bi biolinentzako eta pianorako bost pieza entzungo ditugu, Dmitri Xostakovitxen obra ezberdinak (1955eko The Gadfly filmaren soinu-bandaren zatiak eta sobietar egilearen Jazz-suiteak, kasu) uztartzearen bidez Lev Atovmianek sortutako moldaketa. Pieza labur hauetan Xostakovitxen beste alderdi bat ikus dezakegu, lirismo epel eta xarma eslaviarrekoa, ohiko iluntasun itzaltsu eta zorroztasun sardonikotik urrun.

Goizeko bigarren eta azken obra Antonin Dvorakena izango da. Brahmsen ostean, autore txekiarrari zor zaio gehien XIX. mendeko bigarren erdiko ganbera-musikaren arloan. Eta gainera, aditu askoren arabera, Pianorako 2. kintetoa (1887), Matinéean entzungo duguna, da bere ganbera-obra onenetako bat. Soinu, forma eta estilo bereizgarriak ditu lanak. Musika folklorikoaren bira eta erritmo ohikoez osatutako piezak osatzeko Dvoraken abileziaren adibide argienetako bat da obra hau. Edertasun handikoa da, egitura finekoa, zabaltasun emozionalekoa eta maisulan batek bakarrik izan dezakeen sakontasunekoa.