2. Matinéea: Mefisto Laukotea

Matinée honetan bi musikagile handiren bi obra aurkeztu nahi dizkizuegu, guztiak ardatz tematiko beraren pean: gaztaroko kartsutasuna.

Erromantizismoa hastapenetan zen unean idatzi zuen Beethovenek bere 3. Hari-kuartetoa. Obra honetan argi eta garbi nabari daiteke Haydn eta Mozart bezalako musikagileen eragina, Beethovenentzat erreferente handiak biak. Kontrasteak eta tentsioak, Beethovenen ezaugarri propioak, oso presente daude kuarteto honetan.

Bestalde, Mendelssohnen 4. Hari-kuartetoa 1847an idatzia izan zen, konpositorearen bizitza laburreko azkenetan. Heldutasunean idatzitako lana izan arren, gaztaroko pasioak eta ezegonkortasunak dira nagusi, batez ere lehen eta laugarren mugimenduetan. Konpositorearen inspirazio oniriko ohikoa bigarren mugimenduan sumatzen da gehien, eta hirugarrena lirismoz betea agertzen da.

Horrela, bada, nahiz eta konpositoreen estiloen artean ezberdintasun nabarmenak egon, bi obra hauen artean bada lotura argi bat alderdi emozionalean.