2. Matinéea: Pintoresco Boskotea
N. Rota:
Flauta, oboe, biola, biolontxelo eta harparako boskotea
G. F. Malipiero:
Sonata a cinque
J. Cras:
Harpa, flauta, biolin, biola eta biolontxelorako boskotea
Hélène billard-Alirol
Nathalie Dabadie
Justyna Janiak-Krymer
Jon Larraz
Francesca Di Nicola
Informazioa
Matinée honetan hiru Europako obra entzun ahal izango ditugu, 20ko eta 30eko hamarkadetakoak, Kontinente Zaharraren gerrarteko garaikoak.
Kontzertuko lehen pieza Nino Rotak idatzitakoa da. Hainbat soinu-banden bidez lortu zuen ospea, bereziki Federico Felliniren filmenak, La Dolce Vita eta 8 ½ kasu, eta The Godfather sagarena. Hain zuzen, trilogia ezagun horren bigarren zatiaren musikari esker jatorrizko soinu-banda onenaren Oscar saria eskuratu zuen. Artean bere karreraren hastapenetan zegoela, 1935ean, idatzi zuen Rotak Matinéean entzungo dugun Flauta, oboe, biola, biolontxelo eta harparako boskotea, estilo neorromantikokoa; musika fina eta nabarmen lirikoa.
Hurrengo obra beste musikagile italiar batek, Gian Francesco Malipierok, 1934an idatzi zuen sonata izango da. Forma libre eta originalekoa, erlazio modal eta tonalak ditu. Venezia bere jaioterriko kolore eta argietan inspiratuta, bere barne-mundu oniriko eta alegiazkoa islatzen duten baliabide melodikoz josita dago obra.
Bukatzeko, Jean Cras frantsesak 1928an idatzi zuen Harpa, flauta, biolin, biola eta biolontxelorako boskotea izango dugu. Musikagilea izateaz gain, Cras marinako ofiziala ere izan zen, eta gai izan zen konposizioetan bere bi pasioak uztartzeko: itsasoa eta musika. Hain zuzen, gaurko boskotea bere itsas bidaietako batean konposatu zuen. Musika fin honek magiaz betetako urruneko lurraldeetan barrena eramango gaitu.
Artistak
Hélène billard-Alirol
Flauta
Nathalie Dabadie
Biolina
Justyna Janiak-Krymer
Biola
Jon Larraz
Biolontxeloa
Francesca Di Nicola
Harpa
Orkestraren jarduerari buruzko informazioa jaso nahi duzu?
Aukeratu buletina eta eman izena.
Suscribe to our NewsletterEz eskerrik asko, jarraitu erosketak egiten