3. Matinéea: Barrococo

Vivaldiri esker, duela mende batzuk, fagota grabeen eta baxu jarraituaren itzaletik irten zen instrumentu bakarlari bezala tokia hartzeko. Barrococok 18/19 Denboraldian kontzertu bat eskaini zuen fagota protagonismoa hasi zeneko une hori arakatzeko, Vivaldi beraren, Reichenauerren eta Devienneren lanekin. Matinée honek instrumentu honi funtsezko rola ematen jarraituko du, oraingoan Krommer, Telemann eta Reicharen lanekin, zeintzuetan fagota hari-formazio batekin uztartzen den.

Franz Krommer, jatorriz txekiarra izan arren, garai klasikoko konpositore germaniarrik garrantzitsuenetakotzat hartzen da Joseph Haydn, Wolfgang Amadeus Mozart eta Carl Philipp Emanuel Bachekin batera. Kuarteto honetan fagotak ahots nagusia du, bakarlari bezala, baina multzoa homogeneoa da eta ganbera-musikako une atsegin bat eskaintzen digu.

Georg Philipp Telemann barroko garaiko konpositore alemaniar ospetsuenetako bat da. Bere Sei trioak instrumentu ezberdinen konbinazioetarako idatziak izan ziren: biolina eta oboea; biolina eta flauta; bi biolin; biolina eta zango-biola; eta biolina eta fagota, kasu guztietan baxu jarraituarekin. Bosgarren trio honetarako, Barrococok bi biolin aukeratu ditu. Ondorengo kuartetoan, laugarren ahots bat gehitzen da goiko ahotsen eta baxuaren artean, taldeak fagotari ematea erabaki duena.

Kontzertua jatorri txekiarreko konpositore frantziar Anton Reicharen Fagot eta hari laukoterako bariazioekin amaituko da. Hari-orkestra batekin interpretatzen da, fagotaren birtuosismoa are gehiago nabarmentzeko.