8. Matinéea: Metal boskotea eta organoa

Duela gutxi izan da 1918ko Armistizioaren sinaduraren mendeurrena, Lehen Mundu Gerrari amaiera eman ziona lau urte baino gehiagoko Erdialdeko Inperioen eta Aliatuen arteko borroka gogorraren ostean. Bakea 1918ko azaroaren 11n sinatu zuten, aliatuen garaipen argi batekin eta Alemaniari baldintza oso gogorrak ezarriz. Aurrerago Versaillesko Itunean, benetan gerraren amaiera ofizialdu zuen itunean, berretsi ziren baldintza horiek.

Euskadiko Orkestra Sinfonikoaren metalezko instrumentuen bakarlariz osatutako boskote batek Ana Belén García Donostiako Santa Mariako organo historikoko titularrarekin bat egin du efemeride horren oroitza moduan kontzertu bat eskaintzeko.

Matinéearen programa osatzeko, musikariek gatazkaren bi aldeak ordezkatu zituzten herrialdeetan jaiotako autoreen obrak hautatu dituzte, herrialdeok izan baitziren azken finean armistizioa sinatzearen arduradunak.

Programa eklektiko alai honetan, Muffat frantsesaren Tocatta prima, Handel alemaniarraren Water Music, Widor frantsesaren Bach’s memento, Delerue frantsesaren Vitrales, Naji Hakim libanotarraren Euskal dantzak, Khachaturian sobietarraren Ezpata-dantza eta Dupré frantsesaren Poema heroikoaren su artifizialak entzun ahal izango dira, Verdunen hil zirenei omenaldi batean.