BRAHMS Fest

Joan den Denboraldiari Schubert musikagilearen obrekin eman genion hasiera, eta Euskadiko Orkestraren aurtengo ekitaldiari, berriz, Johannes Brahms konpositoreari eskainitako festa handi batekin ekingo zaio. Brahms adeitsua, gustu xume eta sentimendu handiko gizona zen, burges txiki onbera, eta Beethoven, Berlioz edota Liszt gaztearen muturreko pasioekin alderatuta, bizitzaren aurrean jarrera erabat ezberdina zuen. Hala eta guztiz ere, XIX. mendeko musika-obra bikainenetako batzuk sortu zituen. Nabarmentzekoak dira bere lau sinfoniak, ezinbestekoak munduko orkestra guztietan. Brahmsen musika hautatu zuen Robert Treviñok titular gisa gure orkestran egin zuen lehenengo kontzertuan, eta Brahms oraindik ere indarrean dagoela erakutsiko du Brahms Fest jaialdian. Hamar saio izango ditu jaialdiak, eta, lau sinfoniez gain, Biolin eta biolontxelorako kontzertua eta pianorako bi kontzertuak eskainiko ditu, Dmitri Makhtin, Alexey Stadler eta Tom Borrow solistekin batera.

Oharra: Urriaren 8tik aurrera sarrerak besaulkiarteko espaziorik gabe salduko dira. Aldez aurretik erositako eserlekuek bitarteko besaulkia libre izango dute, eta erosleak elkarren ondoan eseri ahal izango dira.

Esku-programak:

• Iruña
• Donostia
• Gasteiz
• Bilbo