Donostiako Orfeoiko Bazkide eta Adiskideen Kontzertua

Donostiako Orfeoiko Bazkide eta Adiskideen Kontzertua aurten abenduaren 13an izango da eta Euskadiko Orkestra Sinfonikoarekin elkarlanean egingo da, baita haur eta gazteen abesbatzekin ere.

Edizio honetan, kantu herrikoi labur eta askotarikoak sartu dira programan, hala nola euskal abestiak, abesti latinoamerikarrak eta film ezagunetakoak, eta, amaitzeko, zenbait gabon-kanta eskainiko dira. Euskadiko Orkestra Sinfonikoak lagunduko du abesbatza, eta zenbait kantutan Orfeoiko kantari txiki eta gazteek parte hartuko dute. Entsegu nagusia bezperan egingo da, eta jendeari irekia izango da Orfeoiaren Ohorezko Laguna den BM Supermerkatuak enpresaren eskutik.

Bazkideen eta lagunen kontzertuaren aurtengo berritasuna da zero lerro bat jarriko dela, eta han eskuratzen den dirua Atzegi (Adimen urriko pertsonen aldeko Gipuzkoako elkartea). Era berean, hamarkada bat baino gehiago abesbatzaren lagun izaten daramaten 11 enpresari omenaldia egingo zaie: Arcelormittal Gipuzkoa, Bankoa, Bultz, Kursaal Elkargunea, Nafarroako Unibertsitatearen Goi Ingeniaritza Eskola, Estrategia Empresarial, Etxe Onenak, Imoinsa 1985, Caixabank, SDV Elkartea eta Unicef Euskal Herriko Batzordea.

Kursaaleko leihatilan gonbidapenak jasotzeko datak: irailaren 30a, ostirala, eta abenduaren 1a, larunbata.