Errusiako Iraultzaren mendeurrenean, Xostakovitxen errebolta 1905eko errepresio tsaristaren aurka. Eta Ravel izugarria.

Ravelen musika, bere interprete onenetako baten eskuetan, euskal pianismoaren dekano Joaquin Achucarro alegia. Ezker eskurako kontzertua, Achucarroren aldarri nagusiena, nazioarteko eszenatoki ugaritan defendatu baitu, osagai ezin hobea izango da bere hastapenetatik gure Orkestraren oso gertu egon den Bilboko piano-jolearen 85. urtebetetzea ospatzeko.
Beste oroipen batek, Errusiako Iraultzaren mendeurrenak, Robert Treviñok zuzenduko duen kontzertu honen bigarren zatia hartuko du. Zuzendariak, horretarako, sobietar errepertorioko lan dardarazleena izan daitekeen hori aukeratu du: Dmitri Xostakovitxen 11. Sinfonia, 1905eko Igande Odoltsuan gertatutakoak azaltzen dituena. Egun hartan, Tsarraren Goardia Inperialak ehunka behargin hil zituen Neguko Jauregiaren ate aurrean.